a. Piot, Cartulaire I, 76-77, nr. 55 (gedateerd 1148), naar B.

Van Bavel, Regestenboek Berne, 1, nr. 2 (gedateerd 1148). ­– Grauwels, Regestenlijst, [z.p.], nr. 53 (gedateerd 1148).

Bij gebrek aan andere afschriften zijn de lacunes in B aangevuld naar de editie van Piot.

Het gebruik van de kerststijl in het bisdom Luik is verondersteld, zie Camps, ONB I, XX, en Dillo-Van Synghel, ONB II, XVII. De terminus ante quem wordt echter bepaald door het einde van de opgegeven elfde indictie.

In nomine sancte et individue Trinitatis.

Gerardus, Dei gratia ecclesie Sancti Trudonis minister humilis, eadem gratia omnibus in Christo vocatis presentibus [et futu]ris.

Quia complacuit Ei qui infirma mundi elegit et humilia respicit, ut nos humiles, in humili positos, in sublime collocaret, [sic] debemus humilium causam tuendam susciperea et eorum necessitatibus pro o[fficii] nostri debito, consilii et auxilii manum porrigere.

Notum sit igitur fratrib[us] et dominis meis quod pauperes de Herpeta villa, sita in pago Testrebant, antecessores nostros et nos lacrimosis et frequentibus inquietaverunt clamoribus, asserentes, quod verum erat, se servitio Dei carere et christianitatis omnimoda consolatione. Cum enim predicta villa membrum sit ecclesie nostre de Alburg et persona illuc non possit transire, est enim grandis et gravis via et periculosa viantibus propter aquarum inundantiam, maxime hyemali tempore, erat videre miseriam quia infantes interdum sine baptismate, infirmi sine visitatione morientes, de vita decedebant sine dominici corporis et sanguinis communione cumque per aliquot annos propter predictas miserias gravi afficeremur tedio, cum preposito nostro Humberto et maioribus ecclesieb communicato consilio, annuente et consulentec persona de Alburg, presbiterum proprium ecclesie de Herpta habere permisimus, collocato ei stipendio quod subter annotavimus. Matrona nobilis, Hildegundis nomine, preposito nostro Humberto annuente et presente, pro remedio anime sue et omnium parentum suorum legitima traditione contulit beato Trudoni et nobis, ad stipendium predicti presbiteri tria iugera terre, habitatores ville quinque iugera et dimidium et curtim liberam contulere, addita ei in pascuis, in silvis, in aquis aquarumque decursibus libera communitate. Persona de Alburg, cuius vicarius idem presbiter erit et per quem intrabit pro alleviato sibi onere, oblationes altaris, elemosinas in vivis et defunct[is d]e suo remittit, synodali tantum iustitia sibi retenta, pro qua et [dominis] archidiacono et decano infra et extra synodum solitum servitium [exh]ibebit. Hanc collationem fidelium diebus prelationis nostre beato Trudoni factam ad stipendium presbiteri, propter predictas necessitates positi, propria voluntate deputamus, excepta decima quam, sicut antea, per prepositum nostrum recipiendam et disponendam ad prebendam fratrum in manu nostrum retinemus. Pro hoc stipendio presbiter in denominata sibi curte in eadem villa manebit, divina vivis et defunctis sicut persona de Alburg celebrabit.

Huic rei testes ydonei interfuerunt quorum nomina subter annotavimus: abbas de Berna, Euerardus, prior, Gerardus; nobiles: Wlfardus de Alburg, Nicholaus de Douer; persona de Alburg, Arnulphus, item Arnulphus, vicarius de villa Herpeta, Theodericus, Godefridus, Aldricus, Godescalcus, Robertus, Irenbertus, Henscelo, Iohannes, item Godefridus, alius Aldricus, Erenoldus, villicus, et alii multi.

Actum anno incarnationis Domini M^o C^o XLVIII^o, indictione XI^a, Rome pape Eugenio, rege Conrado.

Hec quicumque infregerit anathema sit, amen.