a. Piot, Cartulaire I, 144-146, nr. 106, naar A. – b. Muller-Bouman, OSU I, 456-457, nr. 513, naar a.

Wauters, Table chronologique II, 780. - Jaffé-Loewenfeld, Regesta pontificum Romanorum, 1885-1888, nr. 14932. – Brom, Bullarium Trajectense I, nr. 39. – Brom, Regesten sticht Utrecht I, 102, nr. 509. – Grauwels, Regestenlijst, [z.p.], nr. 105.

Voor de in onderhavige oorkonde geïnsereerde bisschoppelijke oorkonde, zie Van Synghel, DONB, nr. 1181.03.13(na 1181.03.08), voor de bevestigde pauselijke oorkonde uit 1183, zie Idem, nr. 1183.06.30.

Lucius, episcopus, servus servorum Dei, dilectis filiis abbati Sancti Trudonis eiusque fratribus tam presentibus quam futuris regularem vitam professis in perpetuum.a

Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet aut robur, quod absit, sacre religionis infringat.

Eapropter, dilecti in Domino filii, vestris iustis postulationibus clementer annuimus et prefatam ecclesiam, in qua divino estis obsequio mancipati, sub beati Petri et nostra protectione suscipimus et presentis scripti privilegio communimus.

Statuentes ut ordo monasticus, qui secundum Deum et beati Benedicti regulam in vestro monasterio noscitur institutus, perpetuis ibidem temporibus inviolabiliter observetur, preterea quascumque possessiones, quecumque bona idem monasterium in presentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis, prestante Domino, poterit adipisci, firma vobis vestrisque successoribus et illabata permaneant. In quibus hec propriis duximus exprimenda vocabulis: locum ipsum, in quo idem monasterium situm est, ecclesiam de Alburg, quam vestro monasterio venerabilis frater noster Balduwinus, Traiectensis episcopus, pia vobisque largitione concessit, sicut in ipsius scripto autentico continetur, et vos eam canonice possidetis, cuius rescriptum de verbo ad verbum duximus annotandum:

– – – (hierna volgt de tekst van Van Synghel, DONB, nr. 1181.03.31(na 1181.03.08)).

Sane novalium vestrorum que propriis manibus aut sumptibus colitis sive de nutrimentis animalium vestrorum, nullus a vobis decimas exigere vel extorquere presumat. Cum generale interdictum terre fuerit, liceat vobis clausis ianuis, exclusis excommunicatis et interdictis, non pulsatis campanis, suppressa voce divina officia celebrare. Sepulturam preterea ipsius loci liberam esse decernimus, ut eorum devotioni et extreme voluntati qui se illic sepelire deliberaverunt, nisi forte excommunicati vel interdicti sint nullus obsistat, salva tamen iusticia illarum ecclesiarum a quibus mortuorum corpora assumuntur. In parrochialibus autem ecclesiis quas habetis, liceat vobis clericos vel sacerdotes eligere et diocesano episcopo presentare, quibus, si idonei fuerint, episcopus curam animarum committat, ut ei de spiritualibus, vobis vero de temporalibus debeant respondere. Decernimus ergo ut nulli omnino hominum liceat prefatum monasterium temere perturbare aut eius possessiones auferre vel ablata retinere, minuere seu quibuslibet vexationibus fatigare, sed omnia integra conserventur, eorum pro quorum gubernatione ac sustentatione concessa sunt usibus omnimodis profutura, salva sedis apostolice auctoritate et diocesani episcopi canonica iustitia.

Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit, secundo tertiove commonita, nisi reatum suum congrua satisfactione correxerit, potestatis honorisque sui careat dignitate reamque se divino iudicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura servantibus sit pax Domini nostri Ihesu Christi, quatenus et hic fructum bone actionis percipiant et apud districtum iudicem premia eterne pacis inveniant. Amen,b amen, amen.c

(Rota) Ego Lucius, catholice ecclesie episcopus, subscripsi. (BV)

(SC) Ego Iohannes, presbiter cardinalis tituli sancti Marci, subscripsi.

(SC) Ego Petrus, presbiter cardinalis tituli sancte Susanne, subscripsi.

(SC) Ego Viuianus, tituli sancti Stephani in Celio monte, presbiter cardinalis, subscripsi.

(SC) Ego Laborans, presbiter cardinalis sancte Marie Transtiberi, tituli Calixti, subscripsi.d

(SC) Ego Theodericus, Portuensis et sancte Rufine sedis episcopus, subscripsi.

(SC) Ego Henricus, Albanensis episcopus, subscripsi.

(SC) Ego Paulus, Prenestinus episcopus, subscripsi.e

(SC) Ego Iacobus, diaconus cardinalis sancte Marie in Cosmidyn, subscripsi.

(SC) Ego Arditio, diaconus cardinalis sancti Theodori, subscripsi.

(SC) Ego Gratianus, sanctorum Cosme et Damiani diaconus cardinalis, subscripsi.

(SC) Ego Octauus, sanctorum Sergii et Bachi diaconus cardinalis, subscripsi.

Datum Anagnie, per manumf Hugonis, sancte Romane ecclesie notarii, IIII idus novembris, indictione secunda, incarnationis dominice annog M^o C^oh Luciii papej IIIk, annol III^om.