a. Koch, OHZ I, 407-412, nr. 244, naar B, andere afschriften en een vertaling. Zie verder aldaar. – b. Diplomata Belgica, nr. 6137, naar a (geraadpleegd 8 maart 2016).

Dillo-Van Synghel, ONB II, 1359, nr. B13.

Voor een nadere uitwerking van een bepaling uit de onderhavige oorkonde, zie Van Synghel, DONB, nr. (1200.11.03 of kort daarna). Volgens Koch, OHZ I, 409, zijn beide oorkonden opgesteld door een notarius van de aartsbisschop van Keulen, met wie de hertog tevoren over het verdrag overleg had gepleegd.

Het jaartal 1203 van onderhavige oorkonde in dit vidimus (=afschrift B) is corrupt. De correcte datering moet zijn M CC, tercio nonas novembris, zie Koch, OHZ I, 407-412, nr. 244.

In nomine sancte et individue Trinitatis.

Ne presentis etatis negocia consumat oblivio, litterarum indiciis solent eternari.

Notum sit igitur tam futuris quam presentibus huius pagine inspectoribus quod discordia fuerat a multis temporibus inter Henricum, ducem Lotharingie, et suos predecessores ac inter Theodericum, comitem Hollandie, et suos predecessores de terra inter Mosam et Scaldam, de qua eatenus processum est, quod illa discordia consilio hominum utriusque tali modo sopita est. Comes resignavit in manus ipsius ducis opidum Durtreth ex utraque parte aque Durtretswerde, Harredeswerde, Dusne ac totam terram inter Strine et Walwic usque ad terram ducis. Hanc quoque terram totam recepit comes in feodum a duce, et factus est homo suus ligius. Iuravit etiam quod de predicta terra et in propria persona dicto duci decetero serviet tamquam homo ligius domino suo contra omnes homines excepto imperio, sicut ius suum est erga imperium. Nec hoc detur oblivioni quod Durtrich et Durtretswerde, Harredeswerde et Dusne datum est concambium duci et suis heredibus pro terra illa quam dux et sui predecessores calumpniati sunt super comitem et suos predecessores ultra versus Selandiam. Per hoc quoque remanserunt et sopite omnes sunt discordie, calumpnie et questiones inter eos. Hec bona concessit dux comiti iure Brabantino, ita videlicet quod nullus heres inde exheredabitur. Similiter dux iuravit quod comitem iuvabit contra omnes homines tamquam hominem suum ligium quam diu consilio suo acquiescere vel iuri curie sue stare voluerit, et hoc excepto imperio, sicut ius suum est erga imperium. Preter hoc dimisit comes duci et heredibus suis omnes suos mercatores per terram comitis transeuntes tam in aquis quam in terris in omni eo iure theloneorum quo thelonea fuerunt a principio statuta; idem vero vice versa dux comiti fecit. Preterea comes renuntiavit omni iuri quod habere se dixerat in Bredha. Insuper condictum est quod comes non retinebit aliquem in terra sua, qui dampnum faciat duci vel suis hominibus, quam primum hoc perceperit; et idem dux observabit. Omnes homines meliores comitis iuraverunt quod hec concordia stabilis permanebit; similiter homines ducis. Sane quidquid duci contingat humanitus, comes et heredes sui iuvabunt heredes ducis suam conservare terram, et ligium prestabunt eis homagium, ut supradictum est; similiter dux et sui heredes iuvabunt heredes comitis, si comes decedat. Quod si comes et dux moriantur, uxores et heredes eorum sibi invicem assistent et iuvamen prestabunt.

Hec autem ut in posterum rata permaneant, sigillorum appositione tam ducis quam comitis sunt inviolabiliter roborata testibus hiis: Theodericus, Traiectensis episcopus, Mathildis, ducissa, Henricus, dux de Limburg, Albertus, comes de Dasburg, Philippus, comes Namucensis, Willelmus, frater ducis, Henricus de Kvc, Albertus, filius eius, Walterus Bertold, Godefridus de Scoten, Arnoldus de Grimberge, Arnoldus de Dist, Leonius de A, Godefridus, castellanus de Brusella, Arnoldus de Wisemale, Arnoldus de Walem, Willelmus Uulpes, Walterus Bac; hii sunt homines comitis : Rutgerus de Merhem, Hugo de Vorne, Theodericus de Halthena, Gerardus de Hurst, Willelmus de Thelinge, Symon, Iohannes et Ysbrand de Harlem, Albertus Baniard, Walterus de Egmonde, Florencius de Wolde, Philippus de Wasnare, Arnoldus, Henricus et Iohannes de Riswic, Theodericus Bokel; hii etiam et alii quamplures iuraverunt.

Acta sunt hec apud Louanium, anno dominice incarnationis M° C°C° I^o I^o I^o, tercio nonas novenbrisa.