In nomine Patris et Filii Eius et Spiritus Sancti.

Notum sit omnibus tam presentibus quam futuris quod Theodericus de Altena et Iohannes de Husden cum consilio amicorum suorum in hoc convenerunt ut sibi invicem auxilientur secundum formam subscriptam que sequitur.

(1) Quod si aliquis dominorum utrorumque alterum eorum iniuriaverit, alter ei consilio et placitis subvenire debet ad sopiendam iniuriam.

(2) Quod si non poterit et ab iniuria dominus non destiterit, auxilio et consilio omnimodea sibi invicem subvenire debent.

(3) Quod si homines domini Theoderici in dominum Iohannem deliquerint vel heconversob homines Iohannis in Theodericum, hoc ulcisci non debent, sed secundum amorem et iusticiam illius terre in qua habitaverint terminare debent; si vero eos ꜵobaudieritc fideliter alter alteri in vindictam astabit.

(4) De possessione bonorum utrorumque si questio inter eos orta fuerit, secundum consilium amicorum et hominorum utriusque partis amice terminabunt; cognatis verod et amicis et hominibus qui hanc compositionem ordinaverunt et iuramento firmaverunt vicissim secundum predictam formam succurrent.

(5) Alter eorum si offensus fuerit hominibus vel ministerialibus suis ab altero tuebuntur, sic quod intra tuitionem in nullo dominum offensum ledant.

(6) Si autem Theodericus vel Iohannes se ad invicem habuerint utreque coniurate partes se ab auxilio abstinebunt utriusque.

(7) Insuper et sigillis presentem paginam munient ita quod sigillum Iohannis habeat Theodericus et econverso sigillum Theoderici Iohannes et in utraque pagina erit sigillum Henrici, abbatis in Berna, et comitis Theoderici de Cliue.

Hanc compositionem iuravit ipse Theodericus de Altena et frater suus Walterus et Henricus, patruus eius, et Balduinus et Theodericus, amitini eius, Florentius de Gor et Volpertus de Lede et homines sui Theodericus Bůt et Cesarius de Brakel, Arnoldus Wischard et Arnoldus de Hauesdunc, Willelmus de Anle et alii quamplures. Idem Iohannes de Husden iuravit et fratres eius Arnoldus, Robertus et patrueles eius Walterus, Giselbertus, et amitini eius Thomas, Willelmus, Theodericus, Emundus, Walterus Spirinc, Petrus de Alburg, et homines sui Gerardus et Iohannes et alii quamplures.

Ut hec rata et inconvulsa permaneat,e conventio fideiussores sunt ex parte Theoderici: Albertus de Cuc, Rutgerus de Meren; ex parte vero Iohannis: comes Theodericus de Cliue et Alardus de Drile.

Ut autem conventio ista inviolabiliter teneatur, testes Henricus, abbas in Berna, et Theodericus, comes de Cliue, et Arnoldus, prior, et Theodericus, subprior, totusque conventus in cuius presentia factum esttestes sunt et omnes superius nominati.

Anno ab incarnatione Domini M^o CC^o XII^o acta sunt hec, epacta IIII^a, indictione XIIII^a, regnante Ottone annoque imperii sui III^o, pape urbis Rome anno III_^of, sub Theoderico, archiepiscopo Coloniensi, et Theoderico, Traiectensi episcopo, et duce Brabantie Henrico.