Uitgave noch regest voorhanden.

Het gebruik van de paasstijl in het bisdom Luik is verondersteld, zie Dillo-Van Synghel, ONB II, XVII.

Nobilisa vir Goszwinus, miles, dominus de Borne, frater Willelmus de Heysterbac et magister Goszwinus, cantor ecclesie beate Marie in Traiecto, omnibus presensb scriptum visuris scire veritatem.

Noverit universitas vestra quod cum mota esset discordia inter venerabiles viros decanum et capitulum beati Seruatii in Traiecto ex una parte et nobilem virum Willelmum de Bocstelle ex altera super iudiciis cottidianis et eorum emolumentis de Hamont, Akkele et Lille villarum, tandum fuit in nos concorditer sub pena quadraginta marcarum ab utraque parte compromissum ita ut quecumque pars dicto nostro non staret vel in posterum contrairet penam predictarumc quadraginta marcarum incurreret, cuius pene medietas nostra esset et altera medietas partis dictum nostrum observantis; de predicta aut pena persolvenda constituti sunt a partibus hinc inde fideiussores ab ecclesia predicta, videlicet ego magister Goszwinus, cantor ecclesie beate Marie in Traiectensis, prenominatus, Arnoldus ded Hegghe, Engelbertus de O et Engelbertus dictus de Porta, milites; ex parte vero predicti nobilis ego Goszwinus, dominus de Borne, predictus, Arnoldus de Campo, milites, Otto et Nicholaus, famuli ipsius Willelmi. Hiis autem completis omnibus nos habito consilio diligenti sic arbitrando pronuntiamus ut in iudiciis cotidianis sicut in sollempnibus duas partes emolumenti habeat ecclesia memorata et advocatus, videlicet Willelmus, nobilis de Bocstelle, terciam partem. Et hoc intelligi volumus quandocumque agitur de iuribus sive bonis ecclesie et cum scabinis villarum predictarum vel in bonis sive in fundo ecclesie memorate. Volumus etiam predicta omnia observari sive nuncius ecclesie iudiciis intersit sive non. Et si forte, quod absit, in posterum aliqua dubitatio super premissis emerserit, eius declarationem de consensu partium sub pena predicta observandam nobis reservamus ita etiam ut, si unum vel duos ex nobis mori vel abesse contigerit, apud solum tertium superstitem vel presentem declaratio dubitationis remanebit.

In cuius rei testimonium nos dominus de Borne et magister Goszwinus, cantor ecclesie beate Marie sepedicte, presenti scripto sigilla nostra una cum sigillo ecclesie beati Seruatii prenominate necnon cum sigillo nobilis viri Willelmi prenominati apposuimus.

Actum et datum anno Domini M^o CC^o L^o sexto, dominica qua cantatur Reminiscere, mense marcio. Ego frater Willelmus de Heysterbac predictus contentus sum sigillis coarbitrorum meorume.