Vorige: 
Dirk, graaf van Kleef, en zijn broer Dirk Loef beslechten op raad van Otto II, graaf van Gelre, Willem, heer van Altena, Dirk, heer van Herlaar, Hendrik van Meerwijk, Bertold, heer van Ooij, Hendrik van de Lek en G. van Hurst het geschil tussen Jan, heer van Heusden, en zijn broers Robert en Hendrik inzake de nagelaten leengoederen van hun vader, waarbij Jan zich de hoge rechtspraak en de dijkschouw te Heesbeen en Doeveren voorbehoudt.
[A]. Niet voorhanden.
B. (1390 jan. 31 - febr. 7), Den Haag, Nationaal Archief, toegangsnr. 3.01.01, archief Graven van Holland, inv. nr. 226 (voorheen archief LRK Holland 50) = Liber IIII Aelbrecht, 1358-1390, Cas E, fol. 145r.
Nos Theodericus, comes Cleuensis, et Theodericus, frater eius dictus Lof, presenti scripto protestamur quod cum dilecti nostri Iohannes, dominus de Huesden, ex una parte et dominus Robertus et dominus Heinricus, fratres eius, ex altera dissencionem que inter ipsos vertebatur nostro commisissent arbitrio terminandum super ipso servando fide prestita corporali, nos mediante consilio illustris viri Ottonis, comitis Ghelrensis, Willelmi, domini de Altena, domini A., fratris eius, Theoderici, domini de Herlar, Heinrici de Merwiic et aliorum consanguineorum suorum et aliorum fidelium nostrorum, Bertoldi, domini de Oye, domini Heinrici de Lecka et domini G. de Hurst, ordinavimus in hunc modum quod dictus Iohannes annuatim in octava beate Margarete dabit domino Robartoa duodecim marcas et domino Heinrico quatuordecim de paterna ipsorum hereditate ab ipso iure feodali tenendas. Ipsi etiam dominus F. et dominus Heinricus in villis in quibus habitant, scilicet dominus F. in Hezebeen et dominus Heinricus in Doueren, similiter ab ipso fratre suo iure feodali habebunt minora iudicia et cum illis percepta de aratris et curribus de arando et metendo, superiora vero iudicia dictus dominus Iohannes retinebit cum eorum attinenciis et proventibus sive emergentibus de illis, ita quod de villis dictis sicut de aliis terre sue ad pulsationem campanarum pro necessitate terre homines ipsum sequi tenebuntur et spectationem unam aggerum ultimam scilicet singulis annis in dictis villis habebit et res que inventiones vocantur, ipsi cedent.
Hanc igitur ordinationem nostram siquis violare presumpserit, nos et ipsorum consanguinei altari parti usque ad emendam congruam consilio et auxilio assistemus.
In horum itaque testimonium atque robur sigilla nostra cum sigillo dicti comitis Ghelrensis et aliorum quorundam qui nominati sunt, presenti cedule sunt appensa.
Datum anno Domini Mo CCo LXo, proxima feria tertia post diem beati Iacobi apostoli.
