Vorige: 
Willem I, heer van Altena, en zijn echtgenote Heilwich maken bekend dat zij onder voorbehoud van de hoge rechtsmacht de tiend en goederen te Schalkwijk met het dijktoezicht, eertijds door Dirk Borchman en zijn echtgenote Gisela van hen in leen gehouden, alsmede de helft van de tiend van Rodengooi met de lage rechtsmacht en het dijktoezicht, onder voorbehoud van de hoge rechtsmacht door Otto II, graaf van Gelre, aan Willem en Heilwich in leen gegeven, met instemming van de graaf verkocht hebben aan de abdij van Villers tegen een jaarlijkse cijns van een gouden penning en drie schelling Leuvens, en dat zij eveneens de grond te Schalkwijk, die ridder Arnoud van Giessen van hen in leen hield, samen met de bijbehorende tiend, de lage rechtsmacht en het dijktoezicht overdragen aan de abdij van Villers. Alle genoemde goederen te Schalkwijk en Rodengooi zullen vallen onder het rechtsgebied van Woudrichem.
[A]. Niet voorhanden.
B. 1295 juni 13, Arnhem, Gelders Archief, toegangsnr. 0001, archief Graven en hertogen van Gelre, graven van Zupthen, inv. nr. 2338, vidimus door Hendrik, abt van de Sint-Michielsabdij te Antwerpen, en Jacob, abt van de Sint-Bernardsabdij (te Hemiksem), naar [A].
In nomine Patris et Filii et Spiritus Sancti, amen.
Nos Willelmus, dominus de Althena, et Helewidis, uxor sua, notum facimus tam presentibus quam futuris presentes litteras inspecturis quod Theodericus dictus Borchman et uxor eius, Ghisella, auctoritate sui curatoris, a nobis ei dati, decimam de Scalcwiic et tres mansos terre, paulo plus vel paulo minus, ac insulam unam, que Cowert dicitur, cum consideracione terre et aggerum, quod Theutonice tbedriif aggerum dicitur, secundum nececcitatema ac utilitatem ipsius terre, que de nobis in feodum tenebantur, in manus nostras reportaverunt et per iudicium hominum nostrorum werpiverunt et effestucaverunt, omni iuri quod in predictis habebant penitus renunciantes, et nos eadem bona, sicut in manu nostra reportata sunt a predictis Theoderico et eius uxore, vendidimus tamquam nostra viris religiosis abbati et conventui de Villari, Cysterciensis ordinis, Leodiensis dyocesis, et tradidimus iure censuali imperpetuum de nobis tenenda et possidenda, tantummodo nobis in eisdem bonis censum, inferius nominatum, et altam iusticiam retinendo. Insuper sciendum quod dominus Eustachius de Brabele, miles, medietatem decime de Rodengoie, viginti et septem mansos terre paulo plus vel paulo minus continentis, cum iusticia minore et consideracione terre et aggerum, quod Theutonice bedriif dicitur, secundum terre ipsius necceccitatemb ac utilitatem, que a domino Ottone, comite Ghelrensi, tenebat in feodum, in manus ipsius comitis ad opus nostrum reportavit, werpivit et effestucavit per iudicium hominum dicti comitis. Prefatus vero comes eadem bona cum medietate decime dicte terre de Rodenghoye, quam sibi reservaverat, in nos transtulit iure feodali, ab ipso et heredibus suis perpetuo possidenda, iudicio hominum suorum feodalium mediante, salva tantummodo dicto comiti Ghelrensi in dictis bonis de Rodengoie alta iusticia. Nos vero de consensu dicti comitis Ghelrensis vendidimus abbati et conventui de Villari predictis predicta bona de Rodengoie sub tali condicione quod ipsi Villarienses eadem bona de Rodengoye cum supradictis bonis de Scalcwiic sub annuo censu unius aurei denarii vel trium solidorum Louaniensis monete, nobis in festo beati Remigii apud Woderghem solvendi vel solvendorum, a nobis perpetuo possidebunt, omni emenda vel pena pro retardacione dicti census cessante. Preterea dominus Arnoldus de Ghisene, miles, terram suam iuxta Scalcwiic iacentem, quam de nobis tenebat in feodum, in manus nostras ad opus dictorum Villariensium reportavit, werpivit et effestucavit per iudicium hominum nostrorum feodalium. Nos autem ipsam terram et decimam eiusdem terre necnon minorem iusticiam cum consideracione terre et aggerum, quod Theutonice bedriif dicitur, tradidimus eisdem Villariensibus et insulam Alghot, insulam etiam Artusii, militis, si eam acquirere voluerint predicti Villarienses in posterum, et insulam Wiskart cum terra, iacente inter eandem insulam Wiskart et Rodengoie, cum decimis et minore iusticia ac consideracione aggerum dictarum terrarum et insularum, nichil nobis in omnibus supradictis, preter altam iusticiam et censum superius nominatum retinentes. Volumus enim quod omnia bona superius nominata ad unam legem et consuetudinem redigantur et per unam iusticiam et iudicium gubernentur, secundum legem et consuetudinem terrarum de Wodregheem.
Acta sunt hec apud Althena, duobus liberis nostris Willelmo et Theoderico laudantibus et consentientibus, in presentia nobilium et hominum nostrorum feodalium: domini Enghelberti, fratris nostri, domini Roberti de Husdenne, et Theoderici dicti Borchman, ac Lodowici, castellani de Althena, domini eciam Henrici de Bouterseem et magistri Godefridi dicti Pliris, phisici domini comitis Ghelrensis, ad hoc specialiter in testimonium vocatorum.
Et ut hec rata et firma in perpetuum remaneant, presentes litteras eisdem Villariensibus sigillorum nostrorum munimine tradidimus roboratas.
Datum in die beati Remigii, anno Domini Mo CCo LXo quarto, mense octobri.
