a. Piot, Cartulaire, 350-351, nr. 284, naar A.

Grauwels, Regestenlijst, [z.p.], nr. 369.

Blijkens onderhavige oorkonde heeft Jan van Herpt een oorkonde overhandigd waarin de abt van Sint-Truiden een tiend te Herpt in leen gegeven heeft. De enige oorkonde die inzake deze kwestie is overgeleverd, is een uitspraak van de abt van Berne en de heer van Heusden, die deze tiend toestaan aan de vader van Jan, zolang hij leeft, zie Van Synghel, DONB, nr. 1257.08.29.

Het gebruik van de paasstijl is verondersteld, zie Camps, ONB I, XXI, en Dillo-Van Synghel, ONB II, XVII.

Universis presentes litteras inspecturis Arnoldus dictus Boc, Willelmus dictus Copey, Libertus dictus Curialis et Lambertus dictus Scultetus, scabini Sancti Trudonis, et homines feodales seu vassali religiosi viri, Dei gratia ^.. abbatis Sancti Trudonis, salutem cum notitia veritatis.

Universitati vestre notum facimus quod cum inter predictum dominum nostrum ^.. abbatem ex una parte et Iohannem de Herpte, filium quondam Walteri dicti Bode, ex altera, super quadam decima, sita apud Herpte, in nostra et aliorum multorum vassallorum dicti ^.. abbatis ad hoc specialiter evocatorum presentia verteretur materia questionis, dicto ^.. abbate asserente dictum Iohannem dictam decimam minus iuste et in preiudicium ipsius ^.. abbatis ac ecclesie Sancti Trudonis et non modicam lesionem occupasse et tenere fructus ipsius decime occupatos, prefato Iohanne in contrario asserente quod ^.. abbas predictus dictam decimam ei in feodum concessisset et super hoc ei gratiam faciens specialem, suas ei patentes litteras contulisset. Tandem auditis omnibus et singulis que dicte partes hinc inde proferre seu allegare in iudicio voluerunt, inspectis etiam litteris et instrumentis quas vel que quelibet partium ad fundandam suam intentionem in nostra et dictorum convassallorum nostrorum presentia in dicto iudicio protulerunt habitoque super premissis omnibus diligenti et maturo tractatua, monitione quoque dicti ^.. abbatis premissa et in Arnoldo predicto ab ipso vel eius vices gerente, prout moris est, super preferenda, summa facta ac omnibus rite perfectis que in huiusmodi vassallorum iudiciis requiruntur, invenimus dictum Iohannem nichil iuris in dicta decima habere et ipsum eandem minus iuste et sine causa aliqua rationabili aut probabili occupasse. Unde nos una cum omnibus convassalis nostris tunc presentibus sententiam nostram per dictum convassallum nostrum, Arnoldum dictum Boc, super hoc commonitum, communiter et concorditer protullimus in hunc modum, videlicet quod dictus Iohannes in dicta decima nichil penitus iuris habeat, ipsi Iohanni perpetuum super ea silentium per nostram iudicialem sententiam imponentes. Huic sententie interfuerunt una nobiscum Iohannes dictus de Namen, Henricus dictus Ridderken, Symon de Serkingen, Nicholaus de Bloes, Adam de Landene, Iohannes dictus de Sceuerstene, Arnoldus de Traiecto, Walterus de Stapelen, convassali nostri et alii quamplures.

In cuius rei testimonium nos Arnoldus, Willelmus, Libertus et Lambertus predicti sigilla nostra presentibus litteris duximusb apponenda.

Datum et actum anno Domini M^o CC^o LXXX^o, feria sexta post Epyphaniamc Domini.