Vorige: 
Jan, heer van Heusden, verkoopt aan abt en convent van Berne en aan de parochies Herpt, Luttel-Herpt, Hedikhuizen en Vlijmen een waterloop die door Nedershem loopt en treft een aantal waterhuishoudkundige regelingen.
A. Bernheze, Abdij van Berne, abdijarchief, inv. nr. IIJ2. Gelinieerd.
Aantekening op de achterzijde: 1o door 14e-eeuwse hand: De quodam aquemeatu.
Bezegeling: S1 uithangend bevestigd zegel van de abt van Berne, gaaf, van witte was. – S2 uithangend bevestigd zegel van Jan, heer van Heusden, randschrift beschadigd, van witte was. – S3 uithangend bevestigd zegel van Dirk van Heusden, gaaf, van bruine was.
Universis presentes litteras visuris Iohannes, dominus de Hosedinne, salutem et veritatis agnitionem.
Noverint universi tam presentes quam futuri quod nos vendidimus domino abbati et conventui de Berne, parrochie de Herph et de Luttel Herpht, parrochianis de Hedechusen et parrochianis de Vlimen quendam aquemeatum transientem per quamdam terram que dicitur Nedershem in latitudine et in profunditate sicut eis utile et proficuum est habere. Terram vero que ex fossa fodietur, ponent predicti emptores ubicumque voluerint ad utilitatem ipsorum. Et predictus Iohannes, dominus de Hosedinne, dimittet dimidiam virgam terre in utraque parte illius fosse otiosam iacere ad utilitatem predictorum emptorum, hoc condicto quod predictus Iohannes, dominus de Hosedinne, promisit tenere pontem per predictum aquemeatum sine aliquo custu vel expensis predictorum hominum qui predictum aquemeatum emerunt. Hoc etiam addito quod predicti emptores predicti aquemeatus Mosulam poterunt peraggerare ad fluvio resistendum et terram sumere in hereditate uniuscuiusque ad aggerandum in proximiori loco et hoc in minori dampno ubicumque fuerit necesse ad predictorum hominum utilitatem. Predicti vero homines poterunt predictum aquemeatum ampliare et maiorare quandocunque eius utile fuerit et proficuum, sine contradictione predicti Iohannis, domini de Hosedinne, vel quorumcumque aliorum. Preterea predictus Iohannes, dominus de Hosdinne, predictis hominibus de predictis parrochiis emptionem prescriptam cum suis prescriptis conditionibusa et singulis allodiavit sive propriavit.
Et ut hec rata et firma perpetuis temporibus habeantur, munimine sigillorum viri religiosi domini abbatis de Berne, Iohannis, domini de Hosdinne, et Theoderici, militis, de Hosdinne, patrui sepedicti Iohannis, domini de Hosdinne, presentes littere sunt roborate.
Datum anno Domini Mo CCo LXXXo primo, sabbato ante Nativitatem beate Virginisb.
