a. Habets, De archieven, 54-56, nr. 62, naar A.

Haas, Chronologische lijst, 78, nr. 202.

Voor de uitgave van het vidimus van deze oorkonde door rooms-koning Adolf, zie Van Synghel, DONB, nr. 1292.09.17.

Universisa presentes litteras inspecturis ^.. Reynoldus, comes Gelrie et Dei gratia dux Limburgensis, salutem et cognoscere veritatem.

Noverit universitas vestra quod in nostra et nostrorum hominum feodalium constitutum propter hoc personaliter presentia nobiles viri dominus Willelmus, dominus de Horne, miles, et Willelmus, primogenitus filius eiusdem, vendideruntb et se vendidisse recognoverunt et expresse confessi fuerunt se vendidisse religiosis dominabus ^.. abbatisse et conventui monasterii de Thoren, ordinis sancti Benedicti, Leodiensis dyocesis, tallias, exactiones seu petitiones vulgariter dictas bede, quas hactenus annuatim facere solebant et imponere consueverunt hominibus seu mansionariis dictarum abbatisse et conventus habitantibus in territorio et allodio monasterii antedicti seu ville de Thoren, ratione advocationis quam dictus dominus de Horne habet in dicta villa de Thoren et a nobis tenet in feodum pro quodam certo precio, videlicet ducentis marchis Leodiensis, et de eisdem sibi satisfactum esse in pecunia numerata ab eisdem religiosis seu mandato earundem. Volentes dicti nobiles et in hoc expresse consentientes coram nobis quod dictas tallias, exactiones seu petitiones non levabunt nec requirent in posterum ab eisdem quocumque casu interveniente. Nos vero consideratis iustitia et equitate volentesque satisfacere dictis religiosis dominabus in premissis omnibus rite actis per iudicium et sententiam nostrorum hominum feodalium et suorum parium qui super premissis iudicare poterant super hoc monitorum, deliberatione et consilio competentibus prehabitis. Nobis fuit reportatum ab eisdem pro sententia et iure quod predicti nobiles ad opus dictarum religiosarum, hominum earundem seu mansionariorum ex nunc in antea deberent renuntiare omni iuri si quod haberent vel habere poterant in premissis talliis, exactionibus seu petitionibus et ipsos quittare de eisdem. Quibus nobis reportatis predicti nobiles secundum dictam reportationem sententie et iudicii coram nobis personaliter constituti spontanee renuntiarunt predictis talliis, exactionibus et petitionibus, predictas religiosas dominas, earum homines seu mansionarios de se et eorum successoribus quittantes et quittos clamantes nichil iuris in eisdem sibi retinendo, salvis ipsis nobilibus advocatia ville de Thoren et quibusdam iuribus videlicet avena, que vocatur prebendarum avena, et etiam avena que vocatur vulgariter orscoren, obolis, pullis et panibus ac tertio denario de forefactis reportatis per iudicium ^.. scabinorum dicti loci ac iudicandis ad dictam advocatiam spectantibus ab antiquo. Qui siquidem nobiles fide prestita corporali promiserunt in manus nostras quod contra premissa vel eorum aliquod propter aliquam necessitatem, videlicet de uxorando suos filios vel nubendo eorum filias aut si ipsum primogenitum vel eorum successores contingat militari vel alia aliqua de causa per se, alium vel alios non venient in futurum. Renuntiantes omni exceptioni doli mali, non numerate et non solute pecunie, actioni indebiti et sine causa restitutionis in integrum et omni alii exceptioni que ipsis nobilibus pred[ictis]c et parti adverse posset obesse in premissis vel per quam contra premissa venire possent. Et nos comes predictus et Dei gratia dux Limburgensis premissis omnibus nostrum attribuimus assensum pariter et consensum nos et nostros successores per presentes litteras obligantes quod predicto monasterio de Thoren astabimus si predicti nobiles vel eorum successores contra premissa vel aliquid premissorum venerint vel venire voluerint in futurum.

Premissis interfuerunt vocati et rogati coram nobis nobiles viri dominus Walramus, dominus de Falcomonte, dominus Gossuinus, dominus de Borne, dominus Theodericus, advocatus de Ruremunde, et dominus Gerardus de Batenburgh, milites; item ^.. dominus Molrepais senior, miles, feodales nostri et quamplures alii.

In quorum premissorum testimonium et munimen nos sigillum nostrum proprium una cum sigillis dictorum domini de Falcomonte, domini Willelmi de Horne et domini Gossuini de Borne, domini Theoderici, advocati de Ruremonde, ac domini Gerardi de Batenburgh, quibus dictus Willelmus, primogenitus domini de Horne, sigillum proprium non habens, utitur in hac parte duximus apponendum.

Nos vero dominus de Falcomonte, dominus de Borne, dominus advocatus ac Gerardus de Batenburgh sigilla nostra ad petitionem dictorum domini Willelmi, domini de Horne, et eius filii primogeniti presentibus duximus apponenda.

Datum anno Domini M^o CC^o LXXXII^o, in vigilia beate Lucie virginis.