Ina nomine Domini, amen.

Ego Ludowicus, miles, dominus de Leuedale, compos mei et sane mentis, ob remedium et salutem anime mee per modum testamenti seu ultime voluntatis ordino et dispono de rebus meis in hunc modum: in primis siquidem ordino, statuo et volo ut, postquam ex hac vita translatus fuero sive migraverim, omnia debita mea cum iniuste acquisitis ubicumque inventa fuerint vel repperiri poterunt ad bonam veritatem de bonis meis promtioribus ante omnia persolvantur. Deinde lego et do in puram elemosinam propter Deum fratribus minoribus in Louanio decem libras Louaniensis, apud quos etiam meam eligo tenore presentium sepulturam, fratribus minoribus in Bruxella XX solidos ad pitantiam, fratribus minoribus in Mechlinia XX solidos, fratribus minoribus de Niuella, de Thenis, de Sancto Trudone, de Traiecto supra Mosam, de Dist et fratribus de Buscoducis, cuilibet conventui de predictis XX solidos ad pitantiam; item fratribus predicatoribus in Louanio XL^a solidos, Augustinianis, hospitali, leprosis in Banco, pauperibus beginabus in Houis, cuilibet de predictis X solidos ad pitantiam, hospitali sancte Barbare ibidem V solidos; item in Bruxella fratribus carmelitis, saccitis, leprosis, hospitali sancti Iohannis, pauperibus beginabus in Bruxella, cuilibet loco de predictis X solidos ad pitantiam, hospitali sancte Gudule ibidem V solidos et hospitali de Archa V solidos, item hospitali in Filfordis X solidos et pauperibus beginabus ibidem X solidos; item lego Augustinianis in Mechlinia, leprosis, hospitali, pauperibus beginabus de curia ibidem, cuilibet loco de predictis X solidos ad pitantiam; item fratribus predicatoribus in Antwerpia XX solidos Louaniensis ad pitantiam, item lego et do centum solidos Louaniensis pro tricenariis distribuendis sacerdotibus et plebanis subscriptis, videlicet tribus sacerdotibus in Leuedale, duobus in Vossem, plebano in Dusborch, plebano et domino Stephano in Ysca Inferiori, plebano de Cortbeke, plebano de Berthem, plebano de Vroenberge, plebano in Mirbeke, plebano de Euresberge, de Quaetrebe, de Erpse, de Humlegem, de Steinockesele, de Melbrouch, de Woluretem, de Emde, de Londersele, de Rossem, de Rode, de Sterbeke et de Cortenberge, cuilibet tricenarium de omnibus supradictis et duobus sacerdotibus in claustro de Cortenberge duo tricenaria distribuentur. Si qua vero residua fuerint de IIII libris supradictis distribuantur secundum consilium gardiani Louaniensis. Hec autem omnia et singula legata et expressa superius volo quod recipiantur de bonis meis mobilibus promtioribus et quanto citius fieri poterit persolvantur. Item lego et confero sacerdoti de Vroeberge duodecim denarios annui census pro anniversario meo ibidem celebrando, quos recipiet annuatim de domustadiob Luthgardis dicte Permannine, item tribus sacerdotibus in Leuedale et duobus in Vossem cuilibet XII denarios annui census pro dicto anniversario celebrando et matriculariis de Vroienberge, de Leuedale et de Vossem XII denarios annui census equaliterc inter ipsos dividendos in die dicti anniversarii mei, qui quidem VI solidi predicti recipientur annuatim de dimidio bonario terre arabilis quem excolunt filii dicte Tekeline; item in Melbrouch XII denarios annuatim pro anniversario meo etiam ibidem celebrando, item assigno claustro de Cortenberge C solidos Louaniensis, ut inde comparentur X solidi annui census pro anniversario meo ibidem imperpetuum celebrando.

Huius autem ordinationis testamenti seu ultime voluntatis mee constituo et facio executores meos dominam Aleidam, meam uxorem, plebanum de Leuedale et magistrum de Contheike, qui predicta omnia legata sive ordinata fideliter propter Deum exequantur sicut mihi omnes promiserunt fide prestita corporali. Gardianum etiam fratrum minorum de Louanio ipsis adiungo pro consiliario et adiutore, de cuius consilio omnia predicta facere et exequi tenebuntur.

Et ut predicta omnia robur habeant perfecte firmitatis, sigillum meum et sigilla predictorum executorum meorum necnon et gardiani fratrum minorum in Louanio in quorum presentia sive conspectu hec acta sunt et ordinata ad meas instantes petitiones presentibus sunt appensa.

Datum anno Domini M° CC° octogesimo tercio, in vigilia beate Cecilie virginis et martiris.

Item albis dominabus de Louanio, de Mechlinia et de Bruxella, cuilibet X solidos Louaniensisd.