Voor de in onderhavige oorkonde genoemde verwerving van goederen in het land van Heusden tegen een jaarlijkse erfpacht van 19 mark Luik, zie twee oorkonden bij Camps, ONB I, 520-524, nrs. 418 en 419. Voor de machtiging van Gerard door de abt van Berne, zie Van Synghel, DONB, nr. 1285.05.00 (vóór 1285 mei 28).

Universisa presentes litteras inspecturis ^.. officialis Leodiensis salutem in Domino et cognosere veritatem.

Noveritis universi et singuli quod in iure propter hoc coram nobis personaliter constitutus dilectus in Christo frater ^.. Gerardus, sacerdos et canonicus monasterii beate Marie in Berna, ordinis Premonstratensis, Traiectensis dyocesis, procurator a viris religiosis ^.. abbate et conventu monasterii, eiusdem verus constitutus et ordinatus ad negotia et causas que et quas ipsi ^.. abbas et conventus habebant, tractabant et tractaturi erant cum viris venerabilis et discretis ^.. decano et capitulo ecclesie sancti Iohannis Leodiensis et specialiter super bonis eorumdem ^.. decani et capituli, sitis in territorio seu sub dominio ^.. domini de Husden, que bona ipsi ^.. abbas et conventus a predictis ^.. decano et capitulo recipere intendebant seu receperant in emphiteosim perpetuam sub annua pensione decem et novem marcharum Leodiensis monete, solvenda annis singulis predictis ^.. decano et capitulo ab eisdem ^.. abbate et conventui, prout hec et alia in litteris ipsorum ^.. abbatis et conventus sigillis eorumdem sigillatis super hoc confectis vidimus expresse contineri, habens potestatem et mandatum speciale recognoscendi nomine procuratorio ipsorum ^.. abbatis et conventus et pro ipsis coram nobis in iure seu extra ius omnes et singulas conventiones et ordinaciones, factas et habitas super dictis bonis inter ipsos ^.. abbatem et conventum ex una parte et dictos ^.. decanum et capitulum ex altera, prout conventiones ipse in litteris ipsorum ^.. abbatis et conventus predictis contente sunt et expresse, et obligandi ipsos ^.. abbatem et conventum et eorum bona ad observacionem omnium et singulorum articulorum, in dictis litteris ipsorum ^.. abbatis et conventus contentorum et expressorum, et specialiter obligandi nomine ipsorum ^.. abbatis et conventus et pro ipsis omnia bona eorumdem, que habent et tenent ipsi ^.. abbas et conventus sub dominio et districtu ^.. domini de Husden, in dyocesi Leodiensi, videlicet in villis et territoriis de Hedechusen et de Oudehusden, Leodiensis dyocesis, unacum bonis predictis que ipsi ^.. abbas et conventus receperant in emphiteosim ab ipsis ^.. decano et capitulo, super omnibus et singulis articulis, contentis et expressis in dictis litteris ipsorum ^.. abbatis et conventus, observandis necnon pena et interesse solvendis eisdem ^.. decano et capitulo ab ipsis ^.. abbate et conventu pro dampnis et expensis, que et quas incurrent,b et facerent ipsi ^.. decanus et capitulum ob moram et defectum solucionis dicte pensionis et faciendi omnia et singula, que ipsi ^.. abbas et conventus facerent aut facere possent, si presentes essent, prout hec et alia in mandato, eidem fratri ^.. Gerardo ab ipsis ^.. abbate et conventu sub sigillis eorumdem, sicut prima facie apparebat, super hoc tradito et confecto, presentibus annexo vidimus expresse contineri, recognovit omnes convenciones, ordinaciones, obligaciones, renunciaciones et articulos, contentas et contentos in predictis litteris ipsorum ^.. abbatis et conventus, veras et veros esse et initas et factas et initos et habitos esse inter ipsos ^.. abbatem et conventum ex parte una et dictos ^.. decanum et capitulum ex altera, sub modo et forma de quibus in sepedictis litteris ipsorum ^.. abbatis et conventus mentio sit expressa. Obligavitque idem frater Gerardus nomine procuratorio ipsorum ^.. abbatis et conventus et pro ipsis eosdem ^.. abbatem en conventum, eorum bona et specialiter omnia bona que ipsi ^.. abbas et conventus habent et tenent sub dominio et districtu ^.. domini de Husden in dyocesi Leodiensi, videlicet in villis et territoriis de Hedechusen et de Oudehusen, Leodiensis dyocesis, predictis unacum bonis ab eisdem religiosis, ut dictum est, in emphiteosim receptis, ad solucionem et observacionem omnium et singulorum contentorum et expressorum, in dictis litteris ipsorum ^.. religiosorum super dicta emphiteosi confectis memoratis, ^.. decano et capitulo iuxta continentiam et formam litterarum earumdem ab ipsis ^.. abbate et conventu annis singulis perpetuo faciendam et habendam.

In quorum omnium testimonium et munimen litteris presentibus ad rogatum dictorum religiosorum nobis litteratorie oblatum necnon ad instantiam predicti eorum ^.. procuratoris sigillum ^.. officialitatis sedis Leodiensis duximus apponendum.

Datum anno Domini M^o CC^o LXXX^o quinto, in crastino octavarum Trinitatisc.