Nos Iohannes, Dei gratia Traiectensis electus, notum facimus universis presentia visuris et audituris dilucide protestantis quod ob utilitatem et emendacionem terre nostre multorum hominum tam episcopatus nostri quam comitatus Hollandie instancia ad hoc inducti, de consilio prelatorum ac fidelium nostrorum ac illustris viri domini Florentii, comitis Hollandie, accendentea consensu dedimus licentiam prefatis hominibus ponendi sive faciendi aggerem ultra Ysellam et obstruendi meatum ypsius Yselle in terra nostra in loco, qui dicitur Hoppennesse, iuxta Geynum. Et promisimus eis bona fide quod, si aliquis dictum aggerem impedire seu destruere valletb, nos eum pro viribus defendemus contra quoscumque et quocienscumque necesse fuerit et nos ab eis fuerimus requisiti. Ipsi etiam vice versa in propriis suis expensis dictum aggerem una nobiscum defendent et ad hoc ipsos compellere poterimus sub obtentu bonorum suorum, videlicet homines terre nostre. Preterea nos et nostri successores pretextu alicuius pecunie seu servicii sepedictum aggerem non destruemus in posterum seu destrui permittemus, sed eum tenebimusc imperpetuum defensare fideliter et servare. Item omnes illi quibus in eodem aggere consistit utilitas et profectus ad dictum nostrum et comitis Hollandie supradicti iuvabunt et assistent hominibus terre nostre manentibus supra civitatem ad sustinendum et conservandum aggeres suos, si viderimus, quod necessitas eis incumbat. Ad quod manentes ab aquilenarid parte Yselle volumus tantum astringi.

In cuius rei testimonium presentes litteras nostro et domini de Kuc, sororie nostri, sigillis fecimus communiri.

Datum anno Domini M^o ducentesimo octogesimo quinto, feria quinta ante Marie Magdalenaf.