a. Daris, Notices historiques X, 197-198, nr. XIII, waarschijnlijk naar B.

Niet voorhanden.

Voor de schenking van de kerken van Kortessem, Wintershoven, Kuttekoven, Strijp, Son en Nuenen met het patronaatsrecht door Dirk III, heer van Altena, alsmede de bevestiging hiervan door Koenraad, bisschop van Porto, zie Van Synghel, DONB, nrs. vermoedelijkkortvóór1226.09.30(na 1224.04.00) en 1226.09.30(na 1224.04.00). Voor de in dispositio genoemde oorkonden van Robert, bisschop van Luik, en het kapittel van Luik, zie Idem, nrs. 1244.05.31(na 1244.05.00) en 1244.06.02. Voor het mandaat van Jan II, bisschop van Luik, zie Idem, nr. 1238.04.01(na 1230.03.09).

Gerardus de Frassisa, Dei gratia archidiaconus Leodiensis, universis in suo archidiaconatu constitutis aliisque ad quos presentes littere pervenerint salutem in Domino sempiternam.

Debent prelati his que, pro divini cultu nominis ampliando statuta sunt, libenter annuere et ut firmiora permaneant, suam authoritatem favorabiliter impertiri. Quia igitur felicis recordationis Robertus, quondam Dei gratia Leodiensis episcopus,b Iohannis, bone memorie predecessoris sui, qui ecclesiam beati Petri Cortesensem collegiatam esse constituit, inherens vestigiis discretis viris decano et capitulo eiusdem ecclesie sancti Petri de Corteschem authoritate ordinaria indulsit ut ipsi ad ecclesias parochiales de Corteschem, de Wintershoven, de Cottekoven, de Sonne, Nunen et Striipe, quarum ius patronatus ad ipsos decanum et capitulum pertinere dicitur, personas idoneas, cum vacaverint, debent presentare, qui instituti curam animarum gerant ipsarum ecclesiarum et personaliter resideant et deserviant in eisdem, de ipsarum ecclesiarum proventibus competentesc beneficium ad minus octo marcarum pro suo stipendio habitarid; residuum proventuum earumdem ecclesiarum in communes usus dictorum decani et capituli convertendo, quodque investiti in eisdem ecclesiis instituti episcopo, archidiacono et decanis loci de suis iuribus teneantur respondere. Et premissis venerabilium virorum decani, archidiaconi totiusque capituli maioris ecclesie Leodiensis ratihabitio, gratificatio et approbatio intervenerit ac etiam super statutis de huiusmodi statu ecclesie predicte Cortesensis et canonicorum eiusdem conceptis authoritate ordinaria confirmatione sedis apostolice accedente, prout hec in litteris super premissis confectis, quibus fidem adhibemus, vidimus contineri. Nos iuxta formam litterarum predictorum dominorum Roberti, episcopi, et capituli Leodiensis, predicta omnia et singula approbantes, authoritate archidiaconali quantum in nobis est et ad nos pertinet, confirmamus.

In cuius rei testimonium sigillum curie nostre maius ad causas presentibus duximus litteris apponendum.

Datum anno Domini 1294, quinto decimo calendas iulii.