Vorige: 
Meester Makarius van 's-Hertogenbosch, kanunnik van Luik, Hendrik van Rijkel, prior van Sint-Truiden, en Hessel van Drongelen, knaap van de heer van Heusden, doen als scheidslieden uitspraak in het geschil tussen Adam, abt van Sint-Truiden, en Jacob van Waalwijk, priester, enerzijds en Jan, heer van Heusden, en Wouter Tolreps anderzijds inzake het begevingsrecht van de kerk van Genderen.
A. Hasselt, RA, toegangsnr. 715, archief abdij van Sint-Truiden, inv. nr. 481. Gelinieerd.
Aantekeningen op de achterzijde: 1o door 14e-eeuwse hand: F. XIIIa. – 2o door 14e-eeuwse hand: De ecclesia de Ghenderen. – 3o door 15e-eeuwse hand: Arbitralis magistri Macharii pronunciatio inter dominum abbatem et dominum de Hoesdene super ecclesia de Ghenderem, 1302.
Bezegeling: [SD1] uithangend bevestigd, maar verloren zegel van meester Makarius van 's-Hertogenbosch, kanunnik van Luik. – S2 uithangend bevestigd zegel van Hendrik van Rijkel, prior van Sint-Truiden, beschadigd, van bruine was. – S3 uithangend bevestigd zegel van Jan, heer van Heusden, zwaar beschadigd, van bruine was. – [SD4] uithangend bevestigd, maar verloren zegel van Adam, abt van Sint-Truiden.
a. Piot, Cartulaire I, 412-414, nr. 324, naar A.
Grauwels, Regestenlijst, [z.p.], nr. 481.
Het gebruik van de paasstijl is verondersteld, zie Camps, ONB I, XXI, en Dillo-Van Synghel, ONB II, XVII.
Universisa presentes litteras inspecturis magister Macharius de Buscoducis, canonicus Leodiensis, Henricus de Ricle, prior monasterii Sancti Trudonis, ordinis Sancti Benedicti, Leodiensis diocesis, et Hesselinus de Drongelen, famulus nobilis viri domini Iohannis, domini de Hoesden, ordinatores, amicabiles compositores et pronunciatores electi super litibus, discordiis, controversiis ac causis, que sunt inter religiosum virum dominum Adam, abbatem monasterii predicti, et Iacobum de Waelwiic, presbiterum, ex una parte et dictum dominum Iohannem ac Walterum dictum Tolreps ex altera, salutem et cognoscere veritatem.
Noveritis quod nos, compromisso a dictis partibus in nos facto et in nos suscepto, consideratis omnibus considerandis in eisdem causis et litibus et requisito proborum consilio, pronunciamus, dicimus et ordinamus in hunc modum quod collatio seu presentatio ecclesie de Ghenderen, site in terra de Hoesden, pertinet et pertinere debet imperpetuum ad .. abbatem dicti monasterii Sancti Trudonis, qui est et qui erit pro tempore, et quod Walterus Tolreps predictus, cui dictus dominus de Hoesden dictam ecclesiam contulit, cedat penitus ab eadem et quod Iacobus, presbiter predictus, cui dictus abbas eam contulit, ipsam ecclesiam habeat et possideat virtute collationis seu presentationis sibi facte a dicto abbate. Item dicimus ordinantes quod de omnibus expensis, in quibus dicti dominus de Hoesden et Walterus condempnati fuerunt, d[icti]sb abbati et Iacobo a quocumque iudice ratione dictarum causarum et litium, dicti dominus Iohannes et Walterus sunt liberi et absoluti et quod ipse Iacobus sententias interdicti in dictam terram domini de Hoesden et excommunicationis in personas ipsorum domini Iohannis et Walteri latas, revocari et relaxari faciet sine custu et expensis dictorum domini Iohannis et Walteri. Item dicimus quod idem abbas de beneficio ecclesiastico competente infra valorem annuum triginta librarum Turonensium nigrorum spectante ad collationem seu presentationem suam debebit ad petitionem dicti domini Iohannis persone ydonee, pro qua intercesserit, providere quam primum ad id optulerit se facultas. Item dicimus quod iudicia contra terram et bona dicte ecclesie prolata pro defectu aggerum et emende, que propter hoc iudicate sunt a tempore dicte litis mote et a tempore quo idem Iacobus in ea non deservivit et dictus Walterus se intromisit de eadem, iidem dominus Iohannes et Walterus facient revocari et in eum statum reduci in quo fuerunt tempore litis predicte mote, pro eo quod idem Iacobus fuit absens ab eadem. Item dicimus quod omnes discordie et rancores qui fuerunt inter ipsas partes occasione dicte litis sint extincti et quod partes ipse sint pacificate. Et quod hiis mediantibus idem dominus Iohannes dictum Iacobum de se et suis legitime assecurabit et permittet dictum Iacobum dictam suam ecclesiam tenere et libere possidere.
In cuius rei testimonium nos magister Macharius et Henricus, prior, predicti sigilla nostra pro nobis et dicto Heselinoc, hoc petente et dicente se carere sigillo, presentibus litteris duximus apponenda. Nos autem Iohannes, dominus de Hoesden, predictus premissa laudamus, approbamus, rata et grata habemus, promittentes fide prestita corporali quod premissa, prout superius sunt expressa, tenebimus et adimplebimus et quod contra ea non veniemus aliquatenus in futurum et in testimonio premissorum sigillum nostrum presentibus litteris pro nobis et dicto Waltero, hoc petente, duximus apponendum. Et ego Walterus Tolreps predictus promitto etiam fide a me interposita corporali quod premissa libere observabo et utor sigillo dicti domini de Hoesden in hac parte. Insuperque nos Adam, Dei permissione abbas predictus, una cum dicto Iacobo premissa laudamus et rata habemus et in horum testimonium sigillum nostrum pro nobis et dicto Iacobo, hoc petente, presentibus litteris duximus apponendum.
Datum anno Domini Mo tricentesimo secundo, in die Circumcisionis Eiusdemd.
- meester Makarius van 's-Hertogenbosch, kanunnik van Luik
- •
- Hendrik van Rijkel, prior van Sint-Truiden
- •
- Benedictijnerorde
- •
- Hessel van Drongelen, knaap van Jan, heer van Heusden
- •
- Jan, heer van Heusden
- •
- Adam, abt van Sint-Truiden
- •
- Jacob van Waalwijk, priester
- •
- Wouter Tolreps
- •
- begevingsrecht van de kerk van Genderen
- •
- land van Heusden
