Het gebruik van paas- of boodschapstijl is aangetoond, zie Ketner, OSU V, XXVI-XXVII.

Universisa presentia visuris nos Fredericus, Dei gratia ^.. prepositus, Ghiselbertus, ^.. decanus, totumque ^.. capitulum ecclesie beati Petri Traiectensis notum facimus quod nos bona et decimam quam a ^.. preposito tenuit Daniel de Marwede, famulusb, sitam in Herneswerde, videlicet omnem decimam iuxta Mosam, preter decimam decem mansorum que spectat ad sacerdotem de Herneswerde, quam a nobis quam a ^.. preposito tenuit in pactum unde consuevit solvere marcham pro marcha viginti septem solidos legalium denariorum Traiectensium et sex denariosc in die beati Iohannis Baptiste Danieli, filio dicti Danielis, sub eadem pensione libere contulimus ut eandem pensionem nobis et nostris successoribus, videlicet ^.. preposito qui pro tempore fuerit, cum integritate dicto die beati Iohannis Baptiste persolvat sub optentu bonorum predictorum. Post discessum vero predicti Danielis, senior filius suus vel senior filia sua, si filium non habeat, eadem bona optinebit sub pensione prenotata que omnia prefatus Daniel sub iuramento nobis prestito solvere iuravit. Et si dicto die non persolverit dictam pensionem, dicta bona nobis libera erunt et ad nos absoluta revertentur, ita ut de ipsis per omnia dictus dominus ^.. prepositus, qui pro tempore fuerit, suam possit facere voluntatem. Preterea in renovatione dictorum quicumque a nobis ea suscepit, ^.. preposito rumbum exhibebit unum.

In cuius rei testimonium sigilla nostra presentibus sunt appensa.

Datum anno Domini M CCC secundo, feria tercia post Epyphanie Dominid.