Vorige: 
Jan II, hertog van Brabant, oorkondt dat hij aan Gerlach van 's-Hertogenbosch, ridder, voor de hoevenaars op diens goederen onder Erp, Veghel, Oirschot, Hilvarenbeek, Moergestel, Oost-Tilburg (= Oisterwijk), Haaren, Berkel, Udenhout, Hijnen, Rosmalen, Oss, Berlicum en Middelrode, alsmede op het goed Hetsrode (onder Woensel), vrijdom heeft verleend van beden, heervaart en andere diensten.
[A]. Niet voorhanden.
B. 27 juni 1347, Venlo, Gemeentearchief, Huisarchief Arcen, oorkonde ad datum 1303, vidimus door Dirk, priester van Erp, en Johannes, priester, naar [A]. Zie verder Camps, ONB I, 787, nr. 660.
Onderhavige oorkonde wordt uitgegeven in het Digitaal Oorkondenboek van Noord-Brabant op basis van het midden veertiende-eeuws afschrift B dat gebaseerd is op het origineel, omdat de editie door Camps, ONB I, 787-789, nr. 660, gabaseerd was op een eind zeventiende-eeuws afschrift dat slechts indirect teruggaat op het origineel.
Het gebruik van de paasstijl in het hertogdom Brabant is aangenomen, zie Camps, ONB I, XXI en nr. 333.
Nos Iohannes, Dei gratia dux Lotharingie, Brabantie et Limburgie, universis presentibus ac posteris presentia visuris vel audituris notum esse volumus recognoscentes quod, cum dilectus fidelis noster Gheerlacus de Buscoducis, miles, nepos quondam domini Willelmi, pie memorie domini de Horne et de Althena, suique predecessores a multis temporibus plurima nobis ac nostris predecessoribus ducibus Brabantie obsequia curaverint exhibere, propter que ipsum Gheerlacum speciali apud nos promotionis gratia dignum merito reputamus, nos eidem Gheerlaco, fideli nostro, suis et suorum meritis exigentibus tenore presentium concedimus et pro nobis et nostris heredibus seu successoribus ducibus Brabantie perpetua stabilitate firmamus ut omnes et singuli qui in bonis ipsius Gherlaci infranotatis ad colendum ea manserint, videlicet in sex mansis suis in Erpe, in bonis suis in Vechghel dictis ten Bogharde, in bonis suis in Hetsrode, in quinque mansis suis in parrochia de Oerschout, in bonis suis in Hildwarebeke, in bonis suis in Ghestel, in tribus mansis suis in parrochia de
Oestilborch, quorum unus in loco ten Bigarde et reliqui duo in loco te Karlichouen dictis consistunt, in duobus mansis suis in parrochia de Haren prope Oesterwiich, uno scilicet Eindehouen et reliquo Aemerlaer vocatis, in bonis suis apud Berkele, in bonis suis in Vdenhout, in bonis suis in Hynen, in bonis suis in Brugge in parrochia de Roesmaele, in duobus mansis sui in parrochia de Os, in mansis et bonis suis dictis Enghelant, in bonis suis dictis ter Donc, in tribus mansis suis in parrochia de Beerlekem et in duobus mansis suis et bonis dictis de Houthert prope Middelrode sitis, pro toto tempore quo eos in dictis mansis seu bonis pro cultura eorundem ex parte dicti Gherlaci vel suorum heredum contigerit residere, ab omnibus exactionibus, expeditionibus, vecturis, angariis et aliis quibuscumque serviciis seu oneribus quocumque nomine appellatis, a nobis seu nostris heredibus seu successoribus ducibus Brabantie seu ex parte nostra requirendis, mandandis aut imponendis seu nobis aut dictis heredibus seu successoribus nostris exhibendis liberi sint penitus et exempti, ipsosque omnes et singulos in dictis mansis seu bonis dicti Gherlaci ad colendum eadem ex parte ipsius Gherlaci vel suorum heredum manentes et mansuros pro toto tempore quo pro eorum cultura, ut dictum est, manserint in eisdem, a dictis exactionibus, expedicionibus, vecturis, angariis, serviciis et oneribus quibuscumque penitus liberamus, liberosque et immunes voluimus permanere, hoc tamen excepto et nobis salvo quod, cum nostros aut nostrorum heredum seu successorum ducum Brabantie liberos matrimonio copulari vel ad miliciam promoveri contigerit, vel si nos aut dictos nostros heredes seu successores in captivitate detineri contigat, quod divina avertat clementia, ipsi quos tunc pro tempore in dictis bonis dicti fidelis nostri ex sua parte vel dictorum heredum suorum pro cultura eorundem manere et residere contigerit, in iamdictis tribus casibus, videlicet in nupciis et milicia nostrorum liberorum et heredum seu successorum nostrorum ducum Brabantie ac in nostra et ipsorum heredum seu successorum nostrorum ducum Brabantie captivitate, si contingat, subsidia iuxta facultates suas nobis seu dictis successoribus nostris ducibus Brabantie impendere tenebuntur, prout in eisdem casibus subsidia huiusmodi ab
aliis eorum vicinis fuerint impendenda, ac etiam in defensione terre nostre contra quoscumque remanebunt obligati.
Que premissa nos pro nobis et nostris heredibus seu successoribus bona fide promittimus dicto Gherlaco et suis heredibus rata et inconcussa perpetuo observare. In quorum testimonium et robur perpetue firmitatis sigillum nostrum hiis litteris duximus apponendum.
Datum anno Domini millesimo tricentesimo tertio, in Epyphania Domini.
