Vorige: 
Nicolaas, heer van Putten en Strijen, geeft aan Dirk Persijn een jaarlijkse rente van tien pond Hollands in leen uit de tol te Geervliet.
[A]. Niet voorhanden.
B. tweede helft 14e eeuw, Den Haag, Nationaal Archief, toegangsnr. 3.19.43, archief van de heren van Putten en Strijen, inv. nr. 3 (oud nr. 142) = ’t Oude francijnboek B, 1303-1353, Putten en Strijen, Cas M, fol. 3v-4r.
Het gebruik van de paasstijl is verondersteld, zie Van der Gouw, Ring van Putten, 5.
Wii Niclaes, heere van Putte en van Striene, maken kont allen luden die desen brief sullen sien of horen lesen dat wi onsen lieven neve Diederic Persine om sonderlinghe vrientscappe ende menighen ghewillighen dienst die hi ons hevet ghedient, hebben ghegheven X lb. Hollants iairliics van ons te houdene te leene, welke tien lb. Hollants wi hem bewisen iairliics in te nemene in onse gheleide te Gheeruliet alrenaist eersamen luden den nonnen van Loosdunen, die wi hiervoren in dit selve gheleide bewiset hadden. Ende willen dat niemene van onsenwegen, sonder die voirseide nonnen alse die si van ons hebben spreken, van dien voirseide gheleide te Gheeruliet enich ghelt neemt eer die voirseide Diederiic Persiin.
Desen brief ghegheven, bezeghelt mit onsen zeghele int iair ons Heren dusent driehondert ende drie, des woonsdaghes na sinte Pontiaensdach.
