Vorige: 
Richter, schepenen, raad en gemene poort van Woudrichem oorkonden dat Gerard van Horn, heer van Altena, naar eigen goeddunken handelde met het huis te Giessen, hem in onderpand gegeven door de graaf van Gelre, nadat Hugeman van Giessen 28 stieren en tien varkens had afgenomen van de poorters van Woudrichem en de heer van Altena, acht dagen voordat het huis te Giessen werd vernietigd.
A. Den Haag, Nationaal Archief, toegangsnr. 3.19.02, archief Heren van Altena, inv. nr. 77.
Wi richter, scepene, raet ende die ghemeene poert van Woudrichem maken cont ende kenliic metter waerheit alle denghenen die desen brief soelen sien ende horen lesen dat her Gheraert, onse here, die here van Horne ende van Althena, dat huus te Ghiecen, dat hem die grave van Ghelre tenen onderpande gheset hadde alse vore sine ghevanghen, wittelike ende wale hilt in alle dien voerwaerden dat hem gheset was tehent diere tiit dat her Hugheman van Ghiecen ende sine knapen namen onsen porteren van Woudrichem ende up onsen here achteendetuintich hoeftvers ende tien verken, ende dat was acht daghe voer dien dach dat huus van Ghiecen te broken wart. Ende dat betoende onse here van Horne den grave van Ghelre ende daeraf en wart hem gheen bericht. Ende want hem daeraf gheen bericht en wart, dede hi sinen wille met sinen onderpande, alsoe alse sine voerwaerden waren.
In oirconde van desen brieve beseghelt met onser ghemeenre poert seghele ende ghegheven int iaer ons Heren dertienhondertich iaer ende vive, des vriendaghes voer Onser Vrouwen Lichtmisse.
