Vorige: 
Nicolaas, heer van Putten en Strijen, geeft na de dood van heer Dirk Abijnsz. de windmolen met molenstad van Weede in leen aan Hendrik en Pieter, zonen van Dirk, en Dirk, minderjarige kleinzoon van Dirk, waarbij hij zich de inkomsten van Dirk voorbehoudt tot diens meerderjarigheid.
[A]. Niet voorhanden.
B. tweede helft 14e eeuw, Den Haag, Nationaal Archief, toegangsnr. 3.19.43, archief van de heren van Putten en Strijen, inv. nr. 3 (oud nr. 142), register ‘tOude francijnboek B 1303-1353. Putten en Strijen. Cas M, fol. 4r-v.
Niet eerder uitgegeven.
Weede is een verdronken dorp in de Hoekse Waard.
Wi Niclais, here van Putte ende van Striene, maken kond allen luden dat voir ons quam Heynric, Pieter ende Ian Heynricszonen van der Weeden, Ian Broecman, Hughe Duit Yleman, van sinen weghen ende voer Heynen Papen ende Ymmen, sBaysers dochter, ende de Bayser, haer vader, van haren weghen ende scouden quite alle antale ende alle recht dat si hadden an die wintmolene ende an die moelnestede tWeden, die Diederic haren Abiinssone van ons hilt te leene doe hi levede. Ende wi hebben die voirseide moelne ende moelnestede ghegheven ende gheven Heinric ende Pieter, des voirseidsa Diederics sone, ende Diederike, des voirseids Diederics soens sone, elkerliic een dordendeel van ons te houdene ten rechten leene, behouden allen rechten ende aentalen dat Diederic, des voirseids Diederix sone, hadde an dese voirseide moelne ende molenstede voir dese quiitsceldinghe. Want dese voirseide Diederic, Diederics soons sone, nu te tiden een onbeiaert kint es ende onmondich ende so wanneer dese voirseide Diederic, Diederix soons sone, selve beiaert ende selve mondech es, so mach hi an dese voirseide moelne ende molenstede spreken met rechte, est dat hi winnen waert, behouden allen siins rechts beide voren ende na.
Ende om dit vaste, zeker ende ghestade blive, so hebben wi desen brief bezeghelt met onsen zeghele ende hebben ghebeden heren Symon, onsen broedere, dat hi sinen zeghel mede an desen brieve ghehanghen heeft. Ende ic Symon, des heren broeder van Putte ende van Strine, ridder, hebbe om beden wille miins lieves heren ende broeders sheren van Putte ende van Striene desen brief mede bezeghelt met minen zeghele, in kennessen.
Ghegheven int iair ons Heren dusent driehondert ende viere, des sondaghes na Halfvastene.
