Universis presentes litteras inspecturis vel audituris Iohannes, Dei gratia dux Lotoringie Brabantie et Limburgie, salutem et noticiam attingere veritatis.

Quoniam ea que geruntur in tempore secuntur tempus nisi litterarum copia eternentur universitati vestre duximus declarandum quod advocatia seu defentio ecclesie beate Marie de Berna, ordinis Premonstratensis, Traiectensis dyocesis, ac personarum eiusdem omnium quoque rerum ac possessionum suarum mobilium et immobilium ubicumque existentium nobis et antecessoribus nostris ac posteris a serenissimo imperatore Frederico, qui tunc Romano prefuit Imperio, et a Wilelmoa, eiusdem Imperii immediate successore suo in regem electo serioso conatu, perpetue sit commissa et nos huiuscemodi mandato obedire, cupientes dictam ecclesiam de Berna ac personas ibidem Deo militantes cum omnibus bonis suis ac possessionibus mobilibus et immobilibus, presentibus et futuris, sub nostra recepimus et recipimus protectione et tutela hanc libertatem perpetue valituram dicte ecclesie de Berna ac personis eiusdem perpetue concedendo quod nullis dominis secularibus sub quorum dominiis aut iurisdictionibus dicte ecclesie bona constitutis servire debeant laboribus vel expensis nec in concedendis curribus aut equis in expeditionibus suis vel dandis bobus aut vaccis ad mactandum nisi propria voluntate duxerint faciendum, quapropter affectuose monemus, volumus et rogamus dominum Gerardum de Horne et de Altena dominum, dominum quoque Iohannem de Hosdene dominum et dominum Alebertum, militenb, de Herpen, dominum vero Wielmumc, militem, de Cranendonch et posteros ac successores eorumdem singulos quoque et universos in quorum dominiis vel iurisdictionibus sepedicta ecclesia de Berna aliqua bona seu possessiones habet seu possidet, habebit aut possidebit quatinus prefatam ecclesiam de Berna ac personas eiusdem in rebus ac possessionibus suisd aliquatenus molestare non presumat vel gravare. Quod si aliquis premissorum dominorum in preiudicium nostre libertatis dictam ecclesiam in aliqua rerum ac possessionum suarum parte fatigare aut bona ipsius rapere vel detrahere presumpserit, offensionem nostram tamquam si bona nostra propria rapuisset se noverit incursurum, quocirca dilecto sculteto nostro de Buscoducis, qui nunc est et pro tempore fuerit, ac aliis eiusdem villicationis iusticiariis et scultetis firmiter precipiendo mandamus quatinus ecclesiam predictam ac personas eiusdem protegant et defendant nomine nostro contra quoscumque quandocumque et quotienscumque ab eisdem fuerint requisiti gratum nobis in hoc servitium prestituri.

Datum anno Domini M^o CCC^o sexto, sabbato post octavas Pasche.

In quorum testimonium robur et confirmationem sigillum nostrum presentibus litteris duximus apponendum. Datum ut supra, salvo iure nostro in premissis. Datum ut supra.e