Nous Jehans, par le grasce de Diu dus de Lothier, de Braband et de Lemboruch, et nous Guillaumes, par chele meismes grasce cuens de Haynnau, de Hollande, de Zeellande, et sires de Frise, faisons savoir a tous ke de tous debas, de toutes calenges, questions et descors ke nous pour nous, nos aidans et nos alloiies, aviens u poiiens avoir juskes oljourdewi, li uns de nous contre l’autre, avons fait pais et faissons et sonmes acordeit et acordons ensamble pour nous, nos hoirs, nos aidans et nos alloies en le fourme et en le maniere ki s’ensieut chi apreis. Et promirement de l’article de le triuwe ki fu prise entre le roy d’Alemaigne et ches aloiies d’une part et nostre tres chiers signeur et pere, cui Dieus absoille, mon signeur Iehan, adonc conte de Haynnau, de Hollande, de Zeellande, et signeur de Frise d’autre part, de lequele a warder de par nostre dit pere, li dus de Braibant devantdis, s’obliga enviers le roy devantdit a le requeste de no chier pere u de che dus ki estoient de par lui, dont li roys prent le duc d’aucunes enfrainteres ki deurent esure faites encontre lui et ces alloiies de par nostre pere u ses gens durans les dites truwes, si come li roy dist. Et nous, li cuens de Hannau etc., noions ke par no dita ne par ses gens n’a este li dite truwe enfrainte, selonc les lettres et les condicions des truwes devantdites. Nous Guillaumes, cuens devantdis, pour nous et nous hoirs, avons promis et promettons par solempnoli stipulation au dit duc, pour lui et pour ches hoirs, ke se il avenoit ke li rois d’Alemaigne, si alloiiet to si aidant vosissent le duc aproechier u appresser, en quel maniere ke che fust, d’acune cose ke li truwe fust enstrainte, nous endeliverriens et devons delivrer le duc devantdit si avant ke les lettres des triewes sour chou faites parolent. Et nous Iehans, dus devantdit, le devons faire savoir al dit conte souffisaument par chertain messaige et par nos lettres. Et nous, li dis cuens, devons et promettons, si com dit est, aler u envoiier en le court le roy d’Alemaignen u alleurs, la u mestiers sera, a le requeste le duc quant il nous en requerra, par lui u par sein mesaige u par ses lettres, ensi ke dit est, sans malengien et deffendre le duc et wader de caust et de damaige ke li dus aroit ou feroit en l’eccoison de le obligance ke il a faite enviers le roy et ches alloiis sour les triuwes devantdites juskes a raison et che fait souffissaiment. Nous li devantdis dus semissons ke li cuens dis en doit eistre et soit delivres enviers nous. En apres nous Guillaumes, cuens devantdis, pour nous et nos hoirs avons promis et promettons al dit duc a se priere et a le priere de haus hommes et nobles mon signeur Ghauthier de Castillon, connestable de Franche et conte de Porciiens, mon signeur Iehan de Flandres, conte de Nameur, et mon segneur Guy, sen frere, tous les aidans et allies as dis duc, conte de Nameur, et mon segneur Guy et leur hoirs, soient de Hollande, de Zeellande ou d’ailleurs, rappeller en lor pays et in leur lieus remettre et restaulir et lor hiretaiges en tel estat k’il iestoient au jour k’il se patoientb de leur pays et de leur lieus dedens le jour de le Nativite Saint Iehan Baptiste prochainement venant et il y leur cour tantoist lendemain doudit jour de le Nativite saint Iohen poent et doivent revenir au leur et gorir paisiullement de leur possessions, mis hoirs les levees des terres juskes al dit jour et les damages ki avenut sont pour lor maisons abatues u arses, u pour hiretaiges empierés par defaute de laborer, sauf le droit de nous, contet de Haynau devant dit, se par le consanne des pays, aucuns drois estoit aquis a nous es dit hiretaiges pour autres gas ke pour l’accoison des guerres ou de leur meffais avenus en l’ocquison des guerres ou pour lesquels les gueres sont avenus,c nous leur pardonnons par ensi ke li dit aidant alloiet doivent amender a nous Guillaume, conte devantdit, che ke meffait nous ont, au dit des nobles homes Gerard, segneur de Voerne, et Nicole, segneur de Putte, et faire de che tel seurtei comme chil doi diront, et doivent revenir li dit aidant et alloiier en hoimmaige de nous Guillaume, conte devantdit, ensi k’il iestoient devant, et nous les devons rechevoir a hommes ensi ke li avoient estei en li tonoige de nous devantriers a leur tans. Et nous, cuens de Haynnau et de Hollande, de Zeellande, dovons constraindre ciaus ki les dis hiretaiges ont tenus de paiier les debites ke li dit hiretaige doivent pour le tans k’il ont lis dis hiretaiges tenus et doivent li dit aidant aussi et aloiiet ki revenront alleur renonchier a toutes allicancus ke il ont faites, a cui ke che soit, encontre le conte de Haynnau, de Hollande et de Zeellande devantdit, ou en se grevance, et promettre ke jamais ne falloieront encontre lui u ses hoirs. Et parmi cest acort, nous duc et cuens devantdit quitons li uns de nous l’autre, pour lui et pour ses hoirs, de toutes demandes ke nous avons fait u faire poiiens li uns a l’autre, de quoy ke che fust, juskes aljourduwi et volons ke toutes lettres et instrument ke cascuns de nous a ou poet avoir saur l’autre, soient nul et sans viertute. Et y renonchons et les avons enconvent a rendre li uns de nous a l’autre, se il apparoient en acun tans et especialment. Nous, li dus, avons enconvent de rendre au dit conte les lettres ke nous avons de l’hommaige de Zuithollande, ke nous demandions al dit conte, alqueles nous renonchons et al hommage aussi, des maintenant. Et toutes ches coses devantdites et chaskune de elles avons nous, dus et cuens devantdit, promises et promettons en boine foy, loialment a tenir, waerder et a emplir firment et plainement, et a chou avons nous, obligiet et obligons nous, nos hors, nos successeurs et le nostre, u ke il soit. Et renonchons especialment et generalment par nos fois et par nos sairemens a toutes les cozes, quel non ke on lor puist mettre, ke l’un de nous poirent valoir et aidier en quelconques maniere avenier a l’encontre, en tout u en partie, et grever l’autre.

En tiesmoingnage et en seurtei desquels cozes nous, dus et cuens devantdit, avons fait mettre nous seauls a ches presentes lettres.

Données a Mons en Haynau, le dizime jour dou mois d'avril, l'an de grace mil trois cens et siept.