Vorige: 
Deken en kapittel van Oudmunster te Utrecht verpachten aan Gerard, heer van Altena en Horn, ridder, de grote en kleine tienden van Poederoijen voor twaalf jaar tegen een jaarlijkse rente van 36 pond Tournoois en treffen een regeling voor de overname door zijn oudste wettige zoon, mocht Gerard binnen de gestelde twaalf jaar overlijden.
A. Dülmen, Herzog von Croy'sches Archiv, Archiv Herzögliches Haus, Erb- und Familienprozesse, Charters Horn M III 1, oorkonde ad datum 1308 juni 21. Gelinieerd.
Geen middeleeuwse aantekening op de achterzijde.
Bezegeling: S1 uithangend bevestigd zegel van het kapittel van Oudmunster te Utrecht, zwaar beschadigd, van groene was, met beschadigd tegenzegel CS1.
Omnibusa presentia visuris et audituris nos ·· decanus et capitulum ecclesie Sancti Saluatoris Traiectensis notum esse volumus quod concessimus et hiis presentibus concedimusb titulo locationis ad omne ius decimale nobili viro domino Gerardo, domino de Altenae et de Horne, militi, conservatori presentium, decimas nostras de Poderoye, maiores et minutas, ad duodecim annos integros proxime et inmediate datam litterarum presentium subsequentes et sub annua certa pensione triginta et sex librarum Turonensium parvorum legalium, Turonense grosso regio et argenteo pro sedecim denariis computato, quarum triginta et sex libras solvet idem dominus Gerardus nobis seu ·· camerario ecclesie nostre pro tempore existenti quolibet anno pendente locatione huiusmodi suis laboribus, periculis et expensis in civitate Traiectensi, unam medietatem in die Cynerum et alteram infra octavas Penthecostes, tali condicione si aliquo terminorum cuiusquam anni duodecim annorum predictorum in dicta solutione defecerit idem dominus Gerardus, quacumque etiam ex causa, quod ex tunc ipso facto cadet ab omni iure quod sibi ex presenti locatione in dictis decimis competebat seu competere poterat etc eedemd decimee ad nostram dispositionem libere revertentur, omni penitus questione cessante, si acceptandas duxerimus, ipso facto et nichilominus solvet nobis pensionem ipsius anni quo a solutione predicta cessaverit terminis antedictis. Et preterea ex libero ipsius domini Gerardi arbitrio et condicto cadet in penam dupli pensionis predictif anni pro rata temporis non solute, et nichilominus tenebitur nobisg et ecclesie nostre una cum dictis pensione et pena ad omnes expensas, dampna et interesse quas vel que nos ·· decanus et capitulum predicti fecerimus seu sustinuerimus pro dicta pecunia acquirenda a termino dicte solutionis usque ad ipsius pecunie integram solutionem. Et super ipsis expensis, dampnis et interesse, absque aliquo iuramento, simplici dicto nostro seu unius de capitulo stabit sine cause cognitione, sine iudicis taxatione et sine ulla probatione alia emergente. Insuper est condictum, si durantibus duodecim annis predictis dictum dominum Gerardum viam universe carnis ingredi contigerit, quod senior filius ipsius legitimus in dictis decimis, modis et condicionibus predictis, si voluerit, usque ad terminum predictum dicto domino Gerardo succedere poterit, qui pro renovatione litterarum dicto domino Gerardo concessarum super dictis decimis dabit nobis octo libras nigrorum Turonensium, et de solvendis pensione et pena predictis, si eas incurrerit, et servandis ac adimplendis conditionibus prelibatis de novo nobis faciet cautionem.
In cuius rei testimonium dedimus presentes litteras dicto domino Gerardo, sigillo nostre predicte ecclesie communitas.
Actum et datum anno Domini Mo CCCo octavo, feria sexta ante festum beati Iohannis Baptisteh.
