Niet eerder uitgegeven.

Doppler, in Publications LXVI-LXVII, 288-289, nr. 250.

Voor de scheidsrechterlijke uitspraak in dit geschil op 29 april 1309, zie Camps, ONB I, 929-930, nr. 776.

Universisa presentes litteras inspecturis Robinus, decanus, totumque capitulum ecclesie Sancti Seruatii Traiectensis ex una parte et Wilhelmus, dominus de Bocstel, Leodiensis dyocesis, ex altera salutem cum notitia veritatis.

Noveritis universi quod nos partes predicte super discordie quam habuimus et habemus ad invicem super villis de Hamont, Aghele et de Lille et occasione illarum cum suis pertinenciis et specialiter super eo, quod nos Willelmus predictus dicimus, ipsos ^.. decanum et ^.. capitulum dictas villas nobiscum pro bonis aliis permutasse sint pro quadam pecunie quantitate, annuatim et perpetuo per me eisdem ^.. decano et ^.. capitulo persolvenda, emisse bonorum ducti consilio, matura deliberatione prehabita, sponte et ex certa scientia compromisimus et compromittimus tanquam in arbitros seu arbitratores vel compositores amicabiles, videlicet in venerabiles viros dominos Iohannem de Kuyc, prepositum, Robinum, decanum, et Ludowicumb, thesaurus eiusdem ecclesie Sancti Seruatii Traiectensis, electos a nobis communiter sub hac forma, videlicet quod ipsi ^.. arbitri seu arbitratores, receptis rationibus nostris et eis que simul una vice dicere voluerimus hinc et inde de plano, sine strepitu iudicii et advocatorum, non servato iuris ordine vel servato, diebus feriatis vel non feriatis, partibus presentibus vel absentibus, vocatis tamen per nuncium vel per litteras personaliter vel in domiciliis que inhabitant, inquirent per se alium vel alios, si necesse est, simpliciter veritatem. Et quicquid inter nos secundum ea que invenerint super premissis ipsi tres concorditer diffiniverint, dixerint et pronunciaverint ius dicendo vel amicabiliter componendo, hoc observabimus et per stipulationem mutuam et sollempnem hinc inde promittimus inviolabiliter observare fide super hoc a nobis singulis interposita corporali, sub periculo et amissione cause et tocius negocii ac sub pena mille librium nigrorum Turonensium bone monete et solubilis, grosso Turonensi regali antiquo pro sedecim parvis computato, parti servanti arbitrium seu compositionem a parte que illud vel illam non servantur solvendarum. Item inter nos convenit quod pars per quam steterit quo minus in compromisso procedatur vel pronunietur penas incidet supradictas. Item convenit quod si nos partes vel altera nostrum petierimus ampliorem cautionem quam facta est, hoc nos partes predicte tenebimur hinc inde et promittimus facere quatenus arbitris seu arbitratoribus equalem videbitur sub penis predictis. Item convenit quod dicti arbitri seu arbitratores de toto negotio simul una vice vel diversis vicibus in toto vel in parte pronunciare possint, prout eis visum fuerit rationabiliter expedire. Item convenit quod si negocium ad eum ratum pervenerit, quod dicta pena pecuniaria solvi debeat vel solvatur nichilominus dicte cause et negocii amissio et fidei violatio perdurabunt et in suo robore permanebunt, per quibus omnibus et singulis fideliter observandis et efficaciter adimplendis. Nos ^.. decanus et ^.. capitulum predicti Henricum de Petersheym, scolasticum, Rygaldum de Rosut, God. de Andernaco, Iohannem de Gandauo et Iacobum de Stadis, canonicos nostros, et nos Willelmus prefatus Henricum de Molendino, scabinum Traiectensis, Alardum de Agtelle, Libertum de Milne, Rutgerum de Beggendorpe et Mathiam de Striithagen, laycos, et quemlibet eorum insolidum fideiussores constituimus sub hoc pacto, videlicet quod fideiussores partis non servantes arbitrium seu compositionem arbitrorum seu arbitratorum, moniti a parte eadem observante vel eius mandato, intrabunt Traiectum in unum hospicium, layci infra villam et clerici infra claustrum, a parte monente assignandum eisdem ad iacendum ibidem ad commestus suis propriis sumptibus et expensis, more bonorum fideiussorum sine dolo et fraude commedendi et bibendi causa; inde non recessuri donec illud quod per arbitros seu arbitratores pronunciatum et dictum seu compositum fuerit, prout dictum est, efficaciter fuerit adimpletum. Et est actum quod si aliquis fideiussorum, legitimo et inevitabili impedimento, detentus personaliter iacere non possit, poterit alium pro se cum equo subsituere ydoneum ad iacendum ut supra. Et si alter utrius nostrum fideiussorum vel fideiussores decedere, quod absit, contingeret, uterque nostrum loco decedentis vel decentium infra quindenam a tempore, quo sibi decessus eius vel eorum notificatus fuerit, tenebitur alium vel alios ydoneum vel ydoneos subrogare qui ad onus dicte fideiussonis eo ipso, quo subrogatus vel subrogati sunt, erit vel erint, sicut fideiussores alii obligati. Et nos ^.. fideiussores predicti, onus predicte fideiussionis scienter et spontanee subeuntes, promittimus sine dolo tenere conventum fide super hoc interposita corporali. Et debet compromissum huiusmodi infra festum Epiphanye Domini terminari, nisi ipsi ^.. arbitri seu arbitratores ipsum terminum, quem possunt prorogare, usque ad festum Purificationis beate Virginis duxerint prorogandum.

Et nos dicti arbitri seu arbitratores in nos onere dicti compromissi assumptoc, de consensu partium presentium et ad rogatum ipsorum sigilla nostra una cum sigillo ecclesie nostre ad causas et nos Willelmus sigillum nostrum presentibus litteris similiter apposuimus in testimonium veritatis, promittentes firmiter fideiussores nostros suprascriptos positos et ponendos indempnes a fideiussione huiusmodi penitus conservare.

Datum anno Domini millesimo trecentesimo octavo, in die beati Martini hyemalisd.