Vorige: 
Willem III, graaf van Henegouwen, Holland en Zeeland, belooft aan de lieden in het land van Heusden geen andere sluis te laten leggen dan degene die nu in de Maasdam ligt, dat zij deze mogen verleggen naar de plaats die de heemraden van de Grote Waard goed vinden en dat zij op de Maas mogen blijven afwateren.
[A]. Niet voorhanden.
B. 1317-1336, Den Haag, Nationaal Archief, toegangsnr. 3.01.01, archief Graven van Holland, inv. nr. 290 (voorheen archief LRK Holland, nr. 7) = register E.L. 6, Suyd-Holland, Amstelland en Waterland, Cas C (klein register Zuid-Holland), fol. 51r, nr. 230, naar [A].
Wi Willaem, grave van Henegouwen etc., maken cond etc. dat wi den ghemenen luden die wonen in den lande van Hoesdenne beloft hebben ende beloven voir ons ende voir onse nacomelinghe dat wi nimmermeer bi ons zelven, bi heemraders noch bi el nemende up hem brenghen zullen noch laten brenghen ander sluse noch ander waterscip dan die sluse van twieenendetwintich voeten die si nu houden ende leyt in die Maesdam ane die zuytside, noirtwaert in den Maesdamme uterste van al den slusen. Ende die zullen zi houden op die stede dair si nu leit, alsoe groit al sista nu houden ende te hare hebben bracht, ende el negheine. Ende mochten sise op die stede niet houden dair si nu leit, so zullen zise houden op ene ander stede dairt den heemeraet van den Groiten Waert goid zal denken. Ende hair waterghanc sal sinen ghanc ghane in die Mase, sonder yemans wederzegghen, als hie tot hare gheghaen heeft.
In orconde etc.
Ghegheven tot Sinte Gheerdenberghe, int iaer ons Heren M CCC ende neghen, op den Pinxteravend.
