Niet eerder uitgegeven.

Voor de erkenning van de erfpacht van de halve tiend van Uitalm door Aleid, vrouwe van Putten en Strijen, d.d. 1309.06.23, zie Utrecht, Het Utrechts Archief, toegangsnr. 220, archief van het Kapittel van Sint-Pieter te Utrecht, inv. nr. 1 = Cartularium van het kapittel, fol. 55.

Nos Ghiselbertus, Dei gratia decanus totumque capitulum ecclesie beati Petri Traiectensis, notum facimus universis quod nos mediam partem decime nostre site in Vltiam,a quam quondam domina de Randerode a nobis tenuit pro anno pacto viginti quinque solidorum Hollandensium denariorum, cuius quidem decimo aliam medietatem Ricoldus de Nordeloes nunc tenet a nobis, concessimus nobili matrone et potenti domine Aleidi, de Putte et de Strine domine, hereditatis iure tenendam pro annob pacto viginti quinque solidorum dicte monete, nuncio nostro in festo Palmarum singulis annis solvendorum, cui nuncio dicta domina Aleidis quinque solidos Hollandensium ad expensas in eundo et redeundo faciendas, cum omnibus aliis expensis quas eiundem facere contigerit postquam ad eam pervenerit pro dicta pecunia quousque persoluta sunt liberaliter ministrabit. Si vero dictam dominam Aleidam in terra Hollandie morari seu mansionem habere non contingat, extunc nuncius noster ipsum pactum apud Vutalme, ubi dicte decime sunt site, requiret cum omnibus expensis superius declaratis. Et si dictus pactus eidem nuncio cum expensis infra mensem postquam ibidem pervenerit non fuerit plenarie persolutus, extunc ad duplicem pactum tenebit et in anno proximo sequente ad triplicem. Si in solutione defecerit in anno vero tercio, ipsa deficiente in solutione pacti et pene ac expensarum omnium premissarum cadit ab omni iure quod sibi competere peterit in decima memorata et nichilominus ad solutionem tenebitur omnium premissorum cum dictum est. Eciam quod dicta decima post mortem ipsius domine Aleidis ad seniorem heredem suum masculum devolvetur. Sed si heredem masculum non habuerit, extunc senior heres femina seu puella sibi succedet in decima antedicta et sic de herede in heredem sub condicionibus antedictis, ita quod ille vel illa quem vel quam heredem pro tempore fore contigerit infra annum proximum post mortem predecessorum sui in dicta decima cum duodecim libris Hollandensium denariorum eandem decimam requiret camerario nostro pro tempore exeunti infra ipsum annuum integraliter solvendorum. Si vero dicta domina Aleidis seu alius quicumque ad quem dictam decimam post mortem suam devenire contigerit premissas condiciones seu aliqua earum infringeret, extunc nichil iuris in ipsa decima optinebit infringens et nos absque omni condicione de decima predicta ordinare et disponere poterimus pro nostro libitu volutatis. Est etiam adiectum quod si ille vel illa quem vel quam in dicta decima post mortem dicte domine Aleidis heredem esse contigerit etatem legitimam non haberet, sed propter etatem defectum sub alterius tutela existeret, cum ipsius tutor condiciones premissas maliciose negligeret adimplere, extunc ipsum heredem in etate pacientem defectum quousque ad etatem legitimam devenerit, ita quod suuperiusc tutor esse possit, pena predicta non astringet, sed interim dicta decima cedet in usus nostros, contradictione qualibet non obstante.

In cuius rei testimonium sigillum nostrum duximus presentibus apponendum.

Datum anno Domini M^o CCC^o nono, in vigilia beati Iohannes Baptiste.