Vorige: 
Arnoud van Uitwijk heeft in zijn gerecht van Waardhuizen 261/2 morgen land in de parochie en het rechtsgebied van Waardhuizen, dat hij in leen houdt van Gerard, heer van Horn, opgedragen aan deken en kapittel van Sint-Pieter te Utrecht, waarna hij deze van hen tegen een jaarlijkse erfpacht ontfangt.
[A]. Niet voorhanden.
B. Utrecht, Het Utrechts Archief, toegangsnr. 220, archief Kapittel van Sint-Pieter te Utrecht, inv. nr. 1 (cartularium), fol. 23r-v.
Universis presentia visuris seu audituris ego Arnoldus de Vtwiic, famulus, notum facio quod ego propter hoc in iudicio meo de Werthusen, quod a nobili viro, domino Gerardo, domino de Horne, in feodum teneo constitutus, viginti sex cum dimidio iugera mee proprie terre in parrochia de Werthusen et in iurisdictione de Werthusen predicta, inter terram Iohannis dicti Cleric et Theoderici de Werthusen a parte orientali et terram domini Iohannis de Riiswiic, militis, a parte occidentali iacentia, effestucando cum sua libera proprietate resignavi libere in manibus dominorum Tydgeri Zoudenbalch et Conradi de Arkel, canonicorum ecclesie beati Petri Traiectensis, ad opus et ad usus decani et capituli ecclesie beati Petri predicte. Quo facta ego Arnoldus de Vtwiic predictus ipsam terram a dictis decano et capitulo recepi conducti titulo hereditarie perpetuo de herede in heredem possidendam sub annuo pacto triginta librarum nigrorum denariorum, grosso bono regio Turonensea pro sedecim denariis computato, ipsis decano et capitulo infra octo dies post festum beati Petri ad Cathedram annis singulis sine aliquo impedimento et sine ulla diminutione seu defalcatione persolvendo. Quod si aliqua anno non facerem, extunc ipso facto cado ab omni iure quod michi in dicta terra competebat et tamen solvere tenebor pactum non solutum, et sic de herede in heredem et dicti decanus et capitulum de ipsa terra disponere poterunt pro sua libera voluntate.
Acta sunt hec in Werthusen, Nycolao dicto Geyster, sculteto meo, ibidem vice mea et ex mandato meo speciali iudicio presidente, presentibus Renzen de Werthusen, Petro Scolten, Iohanne Keuer et aliis pluribus convicinis ibidem ad ipsam iurisdictionem pertinentibus et ipsam terram ab omni occupatione liberam et absolutam per ius et sententias pronunciantibus prius et decernentibus, ita quod ego de ipsa vendere et obligare, transferre seu alias quocumque modo disponere libere possem pro meo libito voluntatis.
In cuius rei testimonium dictis decano et capitulo hanc litteram dedi sigillis nobilium virorum dominorum Gerardi, domini de Horne, et Iohannis, domini de Arkel, ac meo sigillo proprio roboratam. Et nos Gerardus, dominus de Horne, et Iohannes, dominus de Arkel, ad preces Arnoldi de Vtwiic, qui premissa omnia et singula coram nobis recognovit esse vera, sigilla nostra cum sigillo Arnoldi predicti presentibus appenso apposuimus huic scripto in testimonium premissorum.
Datum et actum anno Domini Mo CCCo undecimo, feria quarta post festum Palmarum.
