a. Habets, De archieven, 113-115, nr. 118, naar [B].

Niet voorhanden.

Voor het verzoek van Margaretha, abdis van Thorn, aan de bisschop van Luik tot verheffing van de kerk van Geertruidenberg tot kapittel, zie Van Synghel, DONB, nr. 1310.05.09. Voor de verheffing tot kapittel door de bisschop van Luik, zie Idem, nr. 1310.08.09.

Het vijftiende-eeuwse cartularium van de abdij van Thorn (afschrift [B]) is thans onvindbaar in het Regionaal Historisch Centrum Limburg te Maastricht. Onderhavige oorkonde is uitgegeven op basis van C. De varianten van Habets, die zijn editie baseerde op het toen nog voorhanden zijnde cartularium, staan in het notenapparaat.

In nomine sancte et individue Trinitatis, amen.

Universis presentes litteras inspecturis et audituris decanus et capitulum Montis sancte Gertrudis, Leodiensis diocesis, salutem et rei subscripte notitiam apprehendere veritatis.

Ne ea que fuerunt pro tempore simul cum tempore evanescant expedit ut labili hominum memorie litterarum suffragio succurratur.

Hinc est quod universitati vestre duximus intimandum tenore presentium, protestantes quod cum nos de ecclesia Thorensi simul derivati et in ecclesia Montis sancte Gertrudis in libertatem canonicam sumus instituti, reverenda domina nostra domina Margareta de Peterschem, abbatissa Thorensis, talia procurante cupientes matri ecclesie sicuti decet pro viribus complacere, nos nostrosque successores obligantes ad omnia que sequuntur, videlicet quod decanus ecclesie nostre, qui pro tempore fuerit, cum uno canonico per capitulum nostrum sibi sociato in expensis nostris annis singulis in vigilia dedicationis ecclesie Thorensis, que dominica proxima post festum sancti Dionisii celebratur, nisi ipsa dies beati Dionisii dominica die evenerit, tunc dicta dedicatio ad dominicam sequentem transfertur, se presentabit dicturus capitula et collectas cum relligionea sua celebraturus summam missam ipsa die dedicationis et omnia alia debita solemnisationisb facturus, prout requirit consuetudo Thorensis ecclesie prenotate. Item custos cum uno canonico per capitulum nostrum sibi sociato proxima die ante vigiliam Pentecostes in ecclesia Thorensi cum relligionec sua comparebit in vesperis dicturus capitula et collectas, consecraturus baptismum, celebraturus summam missam in die Pentecostes. Quibus decano, custoded duos dies pro termino eundi, duos dies pro termino manendi apud Thoren et duos dies pro termino revertendi prefigimus cuilibet eorum, pro qualibet die quinque solidos parvorume Turonensium, grosso pro sedecim denariif parvis computato, pro expensis suis assignantes. Item si aliquem canonicorumg nostrorum apud Thoren de iureh contigerit in ecclesia Thorensi sine relligionei sua, nullatenus comparebit; et si secus fecerit, correctioni domine abbatisse Thorensis subiacebit. Ne ergoj ingratitudinis vitio, quod multis nocuit, maculemur et maculamk Thorensis ecclesia nobis improperando obiiciat filios enutrivi, ipsi autem spreverunt me, domine abbatisse Thorensi, que pro tempore fuerit, libere consentimus quod ipsa canonicatus et prebendas, decanatum, custodiam, scholastriam, investituras ecclesiarum Montis sancte Gertrudis et de Drumelen ac omnia alia beneficia, in dictis parochiis fundata vel fundanda, presentia et futura, conferat personis ecclesiasticis, prout sibi visum fuerit expedire. Permittentesl fide prestita corporali nunquam venire per nos aut per alium directe vel indirecte in contrarium premissorum. Ne igitur aliqua dissensiom inter ecclesiam Thorensem, matrem nostram, et nos ex suggestione diabolican oriatur, ordinamus et observari petimus ut unusquisque canonicorum in receptione sua prima iuret premissa omnia inviolabiliter observare.

Ut ergoo presens scriptum perpetui roboris obtineat firmitatem, capitulo ad hoc specialiter indicto, presentibus Theodorico, decano, Petro, custode, Theodorico, scholastico, Waltero, Gerlaco, Iohanne et Iohanne, canonicis in choro ecclesie nostre Montis sancte Gertrudis sepius annotate, sigilli nostri munimine iussimus roborari.

Actum et datum anno Domini M CCC^o undecimo, feria quarta post Trinitatem, domino Clemente, papa quinto naviculam Petri clementer gubernante, domino Henrico de Lutzelenborch, christianissimo imperatore Romanorum et semper augusto feliciter regnante, Theobaldo Barrensi, pontificali dignitate in ecclesia Leodiensi decorato, Wilhelmo, comite in comitatibus Hannonie, Hollandie, Zelandie terrisque Frisie et Waterlandt, de persecutionibus Flammigerorum strenue triumphante, Margareta de Peterschem, gemma virginum, abbatissa Thorensis anno administrationis suo septimo nos instituente, faciensp de filiis Agar, ancille, filios Sare libere, qualiterq qua libertate Christus nos liberavit, qui est benedictus in secula.