Vorige: 
Hugo van Zottegem en zijn echtgenote Beatrix van Putten, burggraaf en -gravin van Gent, staan Aleid, vrouwe van Putten en Strijen, toe de voogdij uit te oefenen over haar dochters Oda en Aleid zolang zij niet hertrouwd is.
B. (ca. mei 1438), Den Haag, Nationaal Archief, toegangsnr. 3.19.43, archief van de heren van Putten en Strijen, inv. nr. 1 (oud nr. 144) = register Putten en Strijen met de houte berden, 1235-1441, Cas M, fol. 40r-v.
Niet eerder uitgegeven.
Wii Hughe van Zottenghem, bourgrave van Ghent, ende Beatrice van Putte, bourgravinne van Ghent, maken kond allen denghenen die desen brief sullen zien of horen lesen dat wii gheorloft hebben ende gherolovena erer edelre vrouwen, onser welliever vrouwen Aliden, vrouwe van Putte ende van Striene, te bezittene ende te ghebrukenne die voghedye van Oeden ende van Alyden, haren tween kinderen die soe heeft bi onsen lieven heer, heren Niclaise, heer van Putte ende van Striene voirnoemt, wairt dat siins gebrake ende met der vorseider kinder goede te doene der kinder orbair ende nutscape toter tiit dat de voirseide kinder siin comen te haren daghen. Ende wairt dat zake dat onse lieve vrouwe Alyd, vrouwe van Putte ende van Striene voirnoemt, enen andren man name eer dat dese voirseide kindere te haren daghen comen waren, so soude dese voirseide voghedye ende der kindre goet weder in onsen handen comen in allen manieren alst recht waere.
Ende ommedat wi willen dat dese voirscr. dingen vast bliven ende wel gehouden, so hebben wi desen brief open bezegelt met onsen zeglen.
Dit was gedaen in den iaire ons Heren doe men schreef duzent driehondert ende elleve, des woensdages naer sinte Victorsdaghes.
