Vorige: 
Hugo van Zottegem, burggraaf van Gent en heer van Putten en Strijen, geeft de kapelanie in de Onze Lieve Vrouwkerk te Geervliet ter waarde van twaalf pond per jaar, eertijds gesticht door Nicolaas, heer van Putten en Strijen, aan Arnoud Francs, priester, en kent voor de uitkering van dit bedrag zijn tiend te Spijkenisse toe aan deken en kapittel van Geervliet.
[A]. Niet voorhanden.
B. tweede helft 14e eeuw, Den Haag, Nationaal Archief, toegangsnr. 3.19.43, archief van de heren van Putten en Strijen, inv. nr. 3 (oud nr. 142), register ‘tOude francijnboek B 1303-1353. Putten en Strijen. Cas M, fol. 12v-13r.
Niet eerder uitgegeven.
Het gebruik van de paasstijl is verondersteld, zie Van der Gouw, Ring van Putten, 5.
Wi Hughe van Zotteghem, burchgrave van Ghent ende here van Putte ende van Strine, maken cond allen denghenen die desen brief sullena of horen lesen dat wi die cappelrie die een edel man ende en vermoghende, miin lieven here Nyclais, here van Putten ende van Strine, dair God die ziel of hebben moet, ghesticht heeft een cappelri van XII lb. Hollands siairs voir sine ziele in Onser Vrouwenkerke te Gheeruliet, ghegheven hebben ende gheven heren Arnoude Francs, priester, puirlic om Gode, die welke XII lb. Hollands wi bewisen den deken ende der capitele van der voirs. kerke iaerlics in te nemene uut onser tiende van Spikenisse, also als die brief inhout die van der voirs. cappelri ghemaect is, in deser manieren dat dieghene die tresorier is van der voirs. kerken te Gheeruliet dese voirs. XII lb. siairs heren Arnoude voirnoemt uut sal reiken alle iare. Ende hierbi sal dese vors. Arnout een misse doen elcs daghes in die kerke te Gheeruliet voirs. ende te kore gaen tallen ghetiden daghelics mitten canter van der voirs. kerken te Gheeruliet. Ende so wanneer hier niet en quame, so soude hi verboren ter hooftmissen enen Hollandsen d. ende ter mettene enen Hollandsen d. ende die verbornesse sal gaen ghelike der verbornesse van den voers. canter doet. Vort so is wel onse wille dat heer Arnoud voirnoomt sesse weken binnen den iare uut mach varen sonder yet van siinre provende te verliesene als van den XII lb. siairs.
Ende omme dat wi willen dat dese voirs. dinghen vaste bliven ende ghestade, so hebben wi in kennessen desen brief open bezeghelt met onsen zeghele.
Ghegheven int iair ons Heren M CCC ende XIo, des manendaghes voir Midvasten.
