Vorige: 
Graaf Ebroin schenkt aan de kerk te Rindern drie horigen met vrouwen en kinderen, en een hof met huis te Nütterden, zijn bos te Kleverhamm, de helft van zijn bos te Donsbrüggen, een horige met familie en een stuk bos te Mehr, vier horigen met familie, en stukken bos te Rindern de te Millingen gebouwde Mariakerk met twee knechten en hun familie en te Megen en Donsbrüggen elk een horige met familie.
[A]. Niet voorhanden.
B. eind 12e eeuw, Gotha, Forschungsbibliothek, codex membraneus I 71 = Liber aureus Epternacensis (kroniek en cartularium van de abdij van Echternach), fol. 41r-41v.
In Dei nomine.
Ego Ebroinus, comes, filius Oda, quondam donator, aliquid de rebus meis ad loca sanctorum pro remedio animę meę seu dilectissimę coniugis meę, Theodelindę, dare disposui: hoc est ad basilicam beati Petri, apostolorum principis, seu Iohannis Baptiste vel ceterorum sanctorum, que constructa est in loco Rinharim in pago Dublinsi, super fluvio Rheno, ubi nunc dominus pater et pontifex Willibrordus, episcopus, custos esse videtur, dono in loco Nitro, villa nostra, casatos tres cum uxoribus et infantibus, terras cum sala et curticle meo vel adiacentia et ad eundem locum pertinentia, et portionem meam in loco Haemmi, silvam iuris mei totum et ad integrum dono; sed et hoc quod mihi legibus provenit in Dangaesbroch medietatem silvę ad eundem locum pertinentem iure meo; et in villa nostra Meri casatum cum uxore et infantibus et portione silvę; et in villa nostra Rinhari casatos quatuor cum uxore et infantibus, cum terris et peculiari eorum et portiones de silva; et in villa nostra Millingi basilicam domnę nostrę Marię cum omni integritate, quam ibidem ordinavimus ad eundem sanctum Petrum subrogari volumus et decrevimus, et servum nostrum Folcharium ibidem servientem cum uxore et infantibus, Eodfrid cum uxore et infantibus et terris; et in loco Meginum Walamunt cum uxore et infantibus, cum terris, IIas hobinnas; et in villa Dagaesburge Oda cum uxore et infantibus et peculiari suo. Haec omnia cum integritate, id est tam casis quam curticlis, campis, pratis, pascuis, silvis, aquis aquarumque decursibus, re mobili et immobili, re exquisita et inexquisita vel reliqua opportunitate ibidem aspiciente ad supradictum locum sanctum dono donatumque esse perhennis temporibus volo, pro orationum lucro vel missarum solempniis celebrandis perpetualiter pro me et meis . Et ipse locus sanctus et custodes eius hoc habeant, teneant et possideant ac defendant, et quicquid exinde facere voluerint liberam ac firmissimam in omnibus potestatem habeant. Si quis vero, quod futurum esse non credo, et reliqua, ut supra,a post maledictionem et excommunicationem auri libras X, argenti pondo XX una cum sacratissimo fisco exsolvat.
Actum publice Rinharos, anno I regni domini nostri Theoderici gloriosissimi regis.
Ego Ebroinus hoc testamentum a me factum relegi et propria manu firmavi.
Ego Vigilius, indignus presbiter, rogante Ebroino comite, in Dei nomine scripsi et subscripsi.
Guntbrechtus, Folchbrectus, Godobrectus, Raedbrectus, Redualdo, Herifuso.
